Jon Darponek ez du dimititzeko asmorik eta Lan Eskaintza Publikoa amaitu nahi du
Fiskaltzak seinalatutako Osakidetzako hiru arduradunek "beren eginbehar eta konpromisoetan" huts egin zutela frogatzen bada, hartu beharreko neurriak hartuko dituztela ziurtatu du Jon Darpon Eusko Jaurlaritzako Osasun sailburuak. Dena den, oposizioaren eskariei entzungor eginez, baztertu egin du dimisioa emateko aukera.
Radio Euskadiko "Boulevard" saioan egin dioten elkarrizketan, Osakidetzako Lan Eskaintza Publikoaren ingurukoak izan ditu hizpide nagusi. Horren esanetan, oraingoz, ez dago ezer frogatuta. "Prozedura bat zabalik dago, eta hor argituko dira balizko erantzukizunak. Gaur-gaurkoz, zuzendaritzako kargu bakar bat ere ez dago ikerketapean. Ez dago ezer frogatuta. Fiskaltzaren idatziak 86 epaimahaietako hiru epaimahaitako hiru kide seinalatu ditu. Justiziari lan egiten utzi behar zaio", esan du. Halaber, Fiskaltzak seinalatutako Osakidetzako hiru arduradunen errugabetasun presuntzioa defendatu du.
Azterketak prestatzeko aukeratutako zerbitzuburuen hautaketaz galdetuta, profesional horiek hautaprobak diseinatzeko duten "gaitasuna" azpimarratzeaz gain, euskal osasun zerbitzuak langileak aukeratzeko duen sistema "zorrotza" dela adierazi du. "Osakidetzan ez da entxufe bidez sartzen", azpimarratu, eta "onenak" sartzen direla gaineratu du. "Gainera, egunez egun erakutsi behar duzu, Osakidetzak gauza bat du ona, egunero erabiltzen dela", azaldu du. Hala eta guztiz ere, Osasun Sailak Arartekoak egindako gomendioak bere gain hartu dituela berretsi du; besteak beste, epaimahaikideen osaketa zozketa bidez egitea.
Oposizioaren dimisio eskarien aurrean, Osasun sailburu izendatu zuen egunetik bere kargua lehendakariaren esku dagoela erantzun du. "Nire helburua Lan Eskaintza Publikoa ahalik eta azkarren eta berme guztiekin amaitzea da. Buru-belarri nago horretan, eta, arazoen berri izan nuenetik, intentsitate handiagoz gainera", esan du. Bestalde, prozesu honetan guztian ez duela gezurrik esan aldarrikatu du. Are gehiago, bere eskura zegoen dokumentazio guztia talde parlamentarioen, sindikatuen, Arartekoaren eta Fiskaltzaren esku utzi duela azaldu du.
Jatorrizko informazioa Radio Euskadik landu eta eitb.eus-ek itzuli du.
Zure interesekoa izan daiteke
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.