Alokairuaren prezioa mugatzea eskatu du ELAk, goraka jarrai ez dezan
ELA sindikatuak alokairuaren prezioari gehienezko muga bat ezartzea eskatu du, gehiago garestitu ez dadin, eta, ildo berean, etxebizitzak hutsik dituzten jabeak zigortzea galdegin du.
ELAk etxebizitzen alokairuaren buruzko ikerketa bat egin dute eta lan horren ondorioak aurkeztu dituzte gaur Mikel Noval eta Xabier Zabala ordezkariek.
Zabalak Eustatek emandako datuetan oinarrituta azaldu duenez, urteko lehen hiruhilekoan berriro garestitu da alokairuaren batez besteko prezioa Euskal Autonomia Erkidegoan, eta 1.047,7 eurotan ezarri dute, iaz baino % 10 garestiago, orduan batez besteko prezioa 952,2 eurokoa baitzen.
Horrez gain, etxebizitzaren prezioak % 8,9ko igoera izan du 2018ko lehen hiruhilekoarekin alderatuta.
Lurraldez lurralde, prezioak ezberdinak dira. Gipuzkoan alokairuaren batez besteko prezioa 1.257,2 eurokoa da eta urte arteko igoera % 16,2koa izan da; Bizkaian batez besteko prezioa 967,3 eurokoa da, iaz baino % 0,3 garestiago; eta Araban, prezioa 882,1 eurokoa da, iaz baino % 11,8 garestiago.
Zabalak erantsi du alokairuaren prezioa 2013tik urtero ari dela goraka. Zehazki, orduz geroztik % 26,9 garestitu da.
Neurri zehatzak garestitzea gelditzeko
Mikel Novalek azpimarratu du etxebizitzaren arazoa "politika publikoen" ondorio dela eta, beraz, erakundeen ardura dela irtenbidea bilatzea.
"Gipuzkoaren kasuan, esaterako, batez besteko soldataren % 70 alokairura bideratu beharko litzateke, eta horrelako prezioak ordaintzea ezinezkoa da lanean ari diren herritarren gehiengoarentzat", kritikatu du.
Horrenbestez, eta pertsona guztiei etxebizitza bat izateko eskubidea bermatzeko, alokairu sozialak bultza ditzatela eskatu die agintari politikoei, etxeak erostea sustatu beharrean.
Etxebizitzaren arazoari aurre egiteko neurri zehatzak proposatu ditu Novalek, besteak beste, etxebizitzak hutsik dituzten jabeak zigortzea, alokairuari gehienezko prezio bat ezartzea, oporretarako alokairuak mugatzea eta etxebizitzaren funtzio soziala bermatzea, espekulatzeko tresna gisa erabili ez dadin.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.