Osakidetzaren 'inkoherentzia' gaitzetsi du ESK-k kaltetu gisa agertu nahi izateagatik
ESK sindikatuak Osakidetzaren "inkoherentzia" gaitzetsi du, Lan Eskaintza Publikoan izandako ustezko filtrazioengatik, Gasteizko epaitegian abiatutako ikerketan kaltetu gisa agertzeko asmoa erakutsi duelako, nahiz eta Euskal Osasun Zerbitzuak ukatu egin duen azterketan irregulartasunak egon zirela.
Prentsa ohar batean, Nekane Murga Osasun sailburuak egindako iragarpenari erantzun dio aipatu sindikatuak. Izan ere, Murgak ostiraleko kontrol saioan esan zuen, berriro ere, epailearen erabakiaren aurka joko zutela, ez zuelako onartu auzi horretan Osakidetza kaltetu gisa agertzea.
Esan bezala "harrituta eta haserre" azaldu da ESK, Osakidetzaren "koherentziarik eza" ulertzen ez duelako, "filtrazioak ukatu arren, auzian kaltetu gisa agertzeko asmoa erakutsi baitu".
"Eragiketa horrekin min egiten jarraitzen du Osakidetzak, espezialitate eta lan eskaintza publiko jakin batzuetara soilik mugatu nahi duelako arazoa", oharraren arabera. Alabaina, 1978az geroztik hainbat lekukok salatutako irregulartasunak ezkutatu nahi ditu, ESKren esanetan.
"Gainera, ikerketa horretan nahasitako goi kargudunak kosta ahala kosta babestu nahi dituzte", azaldu du ESK-k oharrean.
Bukatzeko, Justiziari laguntzeko eskatu dio Euskal Osasun Zerbitzuari, alegia, "lanpostuak emateko orduan, iruzurrezko sistema aplikatu dutela onartzeko eta horren aurrean hartu beharreko neurriak hartzeko".
Albiste gehiago ekonomia
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.
Villavesen grebak aurrera jarraitzen du eta gutxieneko zerbitzuak kolokan egon daitezke
Langile batzordeak salatu duenez, TCC enpresak, Mankomunitateak eta Iruñeko Udalak "abandonatu" egin dituzte.
Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.
LABek eta EH Bilduk etxebizitza erosteko abalak ematea arbuiatu dute eta prezioen "suari gasolina botatzea" dela esan dute
Sindikatuak elkarretaratzea egin du EAJren Bilboko egoitzaren aurrean. EH Bilduk ziurtatu du neurria ez dela etxebizitza politika bat, "finantza erakundeei mesede egiten dien eta merkatu espekulatiboa elikatzen duen" banku politika baten ondorio baizik.
Jarraipen zabala, Bizkaiko autoeskoletan deitutako lehen greba egunean, ELAren arabera
Uztailaren 16an eta 21ean izango dira hurrengo lanuzteak, ELA eta CCOO sindikatuek deituta.
Ainhoa Tirapu (ELA): "Zazpi bileren ondoren ez dago proposamenik mahai gainean"
Bizkaiko autoeskoletako langileak kalera irten dira lan-hitzarmena eguneratzea eskatzeko. ELA sindikatuko Ainhoa Tirapuk zehaztu du zazpitan elkartu direla patronalarekin, baina ez dagoela proposamen onargarririk mahai gainean. Erosahalmena berreskuratzea eta lan-orduak jaistea eskatzen dute, besteak beste.
Gasteizko lorezainen sindikatuek Lan Sailaren proposamena beharginek bozkatzea erabaki dute, "nahikoa ez" dela uste duten arren
Sindikatuek "aurrerapausoak" ikusten dituzte Eusko Jaurlaritzaren proposamenean. Bestalde, Enviser enpresak, Gasteizko lorategiak mantentzeaz arduratzen den azpikontratak, proposamena onartu du.
Sindikatuen ustez, Gasteizko lorezainen grebarekin amaitzeko Jaurlaritzak egindako proposamena ez da nahikoa
Eusko Jaurlaritzak langileen greba mugagabearekin amaitzeko proposamena egin die sindikatuei eta Enviserren zuzendaritzari. Proposamenaren arabera, KPIa + % 2,2ko soldata-igoera izango da aurten, % 2koa 2026rako eta 2027rako, eta 2.250 eurokoa 2028rako. Enviserrek onartu du planteamendu hori, eta ESKk eta LABek, berriz, uste dute igoera "ez dela nahikoa"; hala ere, hitza eman dute konpromisoa proposamena barne-organoei helarazteko.