Bilboko Udala taxiak geolokalizatzea aztertzen ari da, zerbitzu falta saihesteko
Bilbon eskuragarri dauden taxiak geolokalizatzeko sistema bat martxan jartzea aztertzen ari da Udala, eskaera handia dagoenean, herritarrei erantzun egokia eman ahal izateko. Izan ere, hirian ekitaldi jendetsuak daudenean, edota euria egiten duenean, ohi baino taxi gehiago eskatzen dira.
Ildo horretatik, egun libreak dituzten taxilariei egun horietan ere lan egiteko aukera ematea aztertzen ari da Udala, azken egunetan hirian eman den eskaintzaren "defizit puntuala saihesteko asmoz". Udalak, hiriko taxi-elkarteekin adostu nahi du neurria, eta, horretarako, 2020ko urtarrilaren 1etik aurrera, unean-unean Bilbon zenbat taxi eskuragarri dauden jakin nahi du: "Eskaintza eta eskaera hobea egiten laguntzea da helburua”.
Hala iragarri du Alfonso Gil Bilboko alkateorde eta Mugikortasuneko eta Iraunkortasuneko zinegotziak hiriko taxien elkarteekin bildu ondoren, azken asteotan herritarren eskaera guztiak erantzuteko eskaintza nahikorik ez izan ostean.
BIDEOA | Gero eta kexa gehiago itxaronaldi luze eta taxien faltagatik Bilbon:
CONTENIDO NO ENCONTRADO
"Hirian egon ahal izan diren unean uneko arazoen aurrean irtenbideak jarri behar ditugula jakitun gara. Eskaintza eta eskaria bat etor daitezen neurriak hartuko ditugu, azken asteotan bezala, eskaintzarekin asebete gabeko eskaera handiak izan ez ditzagun” azaldu du Gilek.
Taxilarien elkarteek esan dutenez, egunero 155 taxilarik ez dute lanik egiten Bilbon, eta, ondorioz, ohi baino eskaera handiagoa dagoenean, libre dauden taxilarien erdiak zerbitzua indartzeko aukera aztertzen ari dira. Horrela, "eskaera ondo baino hobeto erantzungo litzateke".
Aurreikusitako geolokalizazio-sistemari esker, Bilboko Udalak jakin ahal izango luke zenbat taxi dauden erabilgarri eta ea mugitzen ari diren edo geralekuetan aparkatuta dauden. Horrek, unean-unean nahikoa taxi dagoen zehazten lagunduko luke.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.