Bilboko Aireportuko segurtasun langileek mobilizazioei ekin diete
Bilboko Aireportuko segurtasun langileek protestei ekin diete gaur, astelehena, zerbitzuaren esleipena duen Segurisa enpresari lan-akordioak betetzea eskatzeko. Testuinguru horretan, gaurko eta biharko iragarri dituzte mobilizazioak, eta urtarrilaren 3tik 5era bitartean ere protestak egiteko asmoa dute.
Hala, 13:00etatik 15:00etara bitartean, segurtasunaz arduratzen diren langileek oso zorrotz beteko dituzte kontroletan egiten duten lana. Gauzak horrela, neurri guztiak betetzea izango da protesta egiteko modua. Bestalde, aireportuan barrena ere manifestazioa egingo dute.
Miaketak egitean, eskuko poltsak berrikustean edo metal-detektagailuen arkua kontrolatzean datza haien lana, eta, hori guztia, zorrotz egingo dute gaur. ETBko iturriek aireportutik bertatik jakinarazi digutenez, protestak gorabehera, normaltasuna da nagusi aireportuan.
Zerbitzuaz arduratzen den Segurisa enpresari, lan-hitzarmenean jasotako akordioak bete ditzala eskatzen diote, hala nola, produktibitate plusak eta beste aparteko batzuk ordaintzea. Halaber, kexu dira Aenak 80.000 euroko plusa ordaindu diolako enpresari bidaiariari tratu ona emateagatik, baina Segurisak ez du diru hori langileekin partekatu.
Guztira, 100 bat segurtasun zaindari ditu Loiuk.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.