Euskal pentsiodunek neurri sozialak zehazteko eskatu diote Gobernu berriari
Euskal pentsiodunak EAEko hiru hiriburuetan bildu dira berriro astelehen honetan, urtarrilak 13, mobilizazioen bigarren urteurrenean, eta neurri sozialak zehazteko eskatu diote Gobernu berriari.
"Nekatuta ikusi nahi gintuzten, presiopean eta gezurretan, baina ez dute lortu", adierazi dute pentsiodunen mugimenduko bozeramaileek, elkarretaratzean irakurritako agiri batean. Era berean, adierazi dute Gobernu berria babestuko dutela betiere kolektiboaren "aldarrikapenak betetzen baditu".
Pentsiodunek eskatzen dituzten neurrietako batzuk, pentsioen igoeraz gain, lan erreformaren indargabetzea, gutxieneko soldataren igoera edo emakumeak lan arloan jasaten duen diskriminazioari heltzea dira.
Pentsiodunen arabera, PSOE eta Unidas Podemosen gobernua osatzeko akordioan pentsioen, gutxieneko soldataren igoeraren eta lan erreformaren indargabetzearen inguruko promesak jasotzen dira, baina "beste alderdi batzuk bere horretan mantentzen dira edo zalantzazkoak dira eta zehaztasuna falta zaie".
Bilbo
Ehunka lagun bildu dira Bilboko udaletxearen aurrean, eta, agiria irakurri ostean, pentsiodunak "kafe, salda, ardo edo pintxoren bat" hartzera joan dira, "indarrak berreskuratzeko", eta mobilizazioen bigarren urteurrena ospatzeko.
Gasteiz
Gasteizen, bostehun pertsona baino gehiagok egin dute bat Gasteizko udaletxearen aurrean deitutako elkarretaratzearekin.
"Pentsio publiko duinak" euskaraz eta gaztelaniaz eskatzen zituen pankarta bat erakutsi dute, bertaratutakoek mobilizazio ludiko eta aldarrikatzaile batean parte hartu dute. "Bi urteko borrokan lortutakoa" nabarmentzeko eta "oraindik lortu gabe dagoena" aldarrikatzeko, hala nola 2020an pentsioak igotzea, KPIaren zenbatekoa 1.080 eurora iristea eta jasangarritasun-faktorea indargabetzea.
Urtarrilaren 30eko greba orokorrarekin bat egiteko deia egin dute pentsiodunek Euskal Herrian eta Nafarroan, eta, "gobernatzen duena edozein izan da ere, pentsioak defendatzen dira" oihukatuz, "pintxo-pote" batean parte hartu dute urteurrena ospatzeko.
Donostia
Donostian ere, udaletxearen aurrean, ehunka pertsona bildu dira, Alderdi Ederreko Pentsiodunen Asanbladak deituta, pankarta batekin "Gizarte Segurantzako euskal sistema publiko" bat eskatzeko, kolektiboaren "ahalegina eta kemena" ospatu dute.
Maria Serranok, Donostiako batzarreko bozeramaileak, astelehenero hiriko erdialdeko kaleetan egiten duten manifestazioaren ordez, gaur "aldarrikapen festa" bat egin dutela adierazi dute.
Horrela, Euskal Herriko eta Nafarroako pentsiodunen aldeko mugimenduek bidalitako jakinarazpena irakurri ostean, Boulevardera joan dira, eta bertan, sagardoarekin, txistorrarekin eta musikarekin ospatu dute kalean egindako protesten bigarren urteurrena.
Serranok azaldu duenez, mugimendua "pozik" dago Espainiako gobernu berria osatu delako eta pentsioak programaren barnean "daudelako", baina deitoratu egin du "zehaztu gabeko" eskaerak direla, batez ere, eskatzen duten gutxieneko pentsioa kontuan ez hartzea, hori baita euren "aldarrikapen nagusietako bat".
Zure interesekoa izan daiteke
Lehorteak eragindako bazka faltari aurre egiteko dirulaguntza zuzenak eskatu dituzte abeltzainek
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.
Albiste izango dira: Klima Aldaketa eta Nekazaritzaren Mahaia, afari solidarioak Donostian eta Ekialde Hurbileko gerra
Gaurkoan Orain-en albiste izango direnen laburpena, bi hitzetan.
Eusko Jaurlaritzak Enagas konpainiaren % 1 erosi du, 45 bat milioi euroren truke
Erosketa hori Indartuz funtsaren bidez egindako lehen inbertsio zuzena da.
Bizkaiko metalgintzako enpresen % 20 kolokan egon daitezkeela ohartarazi du patronalak
Metaleko Enpresen Bizkaiko Federazioaren azken txostenaren arabera, enpresen errentagarritasunak eta inbertsioak behera egin dute, eta absentismoa % 10,4koa izan da 2026ko lehen seihilekoan.
Osakidetzako gehiengo sindikalak greba egingo du udazkenean, "kolektibo guztien" lan baldintzak hobetu ditzaten eskatzeko
SMEk Osasun Sailarekin hitzartutako akordioa "partziala" dela salatuta, LAB, SATSE, ELA, CCOO eta UGT sindikatuek mobilizazioak egingo dituzte irailetik aurrera, "aparteko orduetan oinarritutako eredua ez delako jasangarria".
Zerga turistikoaren ordenantza onartuta, urtean 8 milioi euro biltzea espero du Donostiako Udalak
Jon Insausti alkateak esan duenez, helburu nagusia da hiria bisitatzen dutenek "zerbitzu publikoak, azpiegiturak, hiri-espazioak, segurtasuna eta beste jarduerak finantzatzen laguntzea, bisitarien eta donostiarren bizi-kalitatearen arteko oreka mantentzeko".
Martinezek ziurtatu du medikuen sindikatuarekin lortutako akordioa ez dela baztertzailea
Eusko Jaurlaritzako Osasun sailburuaren hitzetan, Osakidetzako gainerako kolektibo profesional guztiekin hitz egiten jarraituko du. Iraileko mahai sektorialeko bilerara joateko deia egin die sindikatuen ordezkariei.