Lasarte-Oriako bere bulegoko langile batek pairatutako erasoa salatu du Lanbidek
Lanbide Euskal Enplegu Zerbitzuak Lasarte-Oriako bere bulegoko langile batek pairatutako erasoa salatu du. Ohar batean zehaztu duenez, langileak, segurtasun-zaintzailea bera, sei bat gazteren erasoa jasan zuen. Gazteek burua estalita zuten, eta hilaren 30eko grebarako ari ziren deitzen. Lanbidek, halaber, adierazi du beste egoitza batzuetan greba orokorrarekin lotutako pintadak egin dituztela.
Segurtasun-zaintzailearen erasotzaileak "Ernairen kartelak ari ziren jartzen" Lasarte-Oriako bulegorako sarreran, "eta grebarako ari ziren deitzen, pintadak eginez", esan du Lanbidek.
Segurtasun-zaintzaileak gazteen jarrera gaitzetsi zuen, eta azken horiek lurrera bota zuten eta lesioak eragin zizkioten; segituan, lasterka irten ziren, eta bulegoaren aurrean hainbat balde, kartel eta margo-poto utzi zituzten, Lanbideren esanetan. Euskal Enplegu Zerbitzuak salaketa jarri du, Ertzaintzaren aurrean, gertaturikoagatik.
Lesioak jasan dituen langileak ere jarriko du salaketa, sendatu ostean, bere enpresak Enplegu eta Gizarte Politiketako Sailari jakitera eman dionez. Beatriz Artolazabal sailburuak langilearekin hitz egin du, haren osasunaz galdetzeko.
Pintadak egoitza gehiagotan
Lasarte-Orian izandako gertakariez gain, hilaren 22an, Santurtziko bulegoan, buzoak eta maskarak zeramatzan talde bat fatxada papereztatzen saiatu zen, pankartak erabiliz. Dozena bat lagun, gainera, egoitzara sartu ziren, eta grebaren aldeko paskinak banatu zituzten, “oztopatzen eta izutzen”.
Astearte goizean, Gasteizko Salburua auzoko bulegoan, pintada handi bat agertu da. Fatxada nagusian, pintura bota dute.
Lanbideren Salburuako fatxada. Argazkia: Lanbide.
Lanbidek salaketa jarri du, Ertzaintzaren aurrean, bulego horietan izandako kalteengatik.
"Onartezina"
Borja Belandia Lanbideko zuzendari nagusiaren iritziz, "onartezinak" dira erakunde publiko horren inguruan izandako gertakariak; izan ere, Lanbideren betebeharra da "babesgabeko sektoreei laguntzea".
Langile publikoak kikiltzea gaitzetsi du Belandiak, halaber: "Eraso hauek gainditutzat ematen genituen garai batzuetara eramaten gaituzte", nabarmendu du. Zuzendari nagusiak galdegin du greba-egunean erasorik ez gertatzea.
Zure interesekoa izan daiteke
497 milioi euro bideratuko dituzte Loiu, Foronda, Hondarribia eta Noaingo aireportuak berritzera
Aireportuen bolumena handitzea, eraginkortasuna zein segurtasuna indartzea eta zerbitzuaren kalitatea hobetzea dira helburuak.
Confebaskek ituna eskatu du Euskadiko lehiakortasuna hobetzeko
Confebaskeko presidente Tamara Yaguek Pradalesi eskatu dio herrialde-itun bat bultzatzea lehiakortasuna eraldatzeko eta erronka demografikoari eta talentu faltari aurre egiteko.
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Foru Gobernuak hirigintza planak desblokeatzeko eta arintzeko duen lan lerroari jarraikiz ari dira garatzen plana. Horrekin asmo dute "arrazoizko prezioa duten etxebizitzak eraikitzea, gizartearen beharrizanak eta eskariak kontuan izanda", nabarmendu du Chivitek.
Donostiako Udalak eguzki planta berri bat eraikiko du Martutenen, 11 udal eraikin hornitzeko
Arantzazuko Ama instalazioak urtean 90.000 kWh baino gehiago ekoitziko ditu, eta ekipamendu publikoen autokontsumoa zabalduko du, Iñigo Garcia Donostiako Ingurumen eta Hiri Mantentze eta Zerbitzuetako zinegotziak adierazi duenez.
Greban dauden Zarauzko eta Bergarako IATetako langileek salatu dutenez, "inguruko herriak kolapsatzear daude"
Duela 68 egun ELAk deitutako greban dauden IAT zentro horietako langileek. "Gatazkan esku hartzeko" eskatu diote Jaurlaritzari, "zerbitzu publikoa izanik, erantzukizuna berea ere badelako".
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da; %2,9an dago.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.