Langileen % 70ek hartu dute parte Hezkuntzako garbitzaileen greban
Hezkuntza saileko eta UPV/EHUko azpikontratatutako langileen grebaren hirugarren egunak % 70eko jarraipena izan du ELA, LAB, ESK eta CC. OO. sindikatuen arabera, bost asteko grebara deitu duten sindikatuak.
Datua ELA sindikatuko Ane Alberdi ordezkariak eman du dozenaka pertsonek gaur goizean Eusko Jaurlaritzaren Donostiako egoitzaren aurrean egindako elkarretaratzean, hor kokatzen baita Gipuzkoako Hezkuntza Ordezkaritza.
Lurraldearen arabera jarraipena "aldatu" egiten den arren, batez bestekoa % 70aren inguruan kokatzen dela adierazi du Alberdik. "Eragin handiena" Bizkaian atzeman dela adierazi du eta Bilboko eta Gasteizko "fakultate batzuetan" geldialdia azpikontratatutako langileen "osotasunak" bultzatu duela.
Gogorarazi duenez, lau sindikatuek bost asteko grebara deitzea erabaki zuten martxoaren 2tik aurrera elkarrizketak "geldi" aurkitzen direla salatzeko, zerbitzuko esleipendun enpresek ez baitute "inolako asmorik" egoerari amaiera emateko.
Euskal Herriko unibertsitatean eta Hezkuntzako eraikuntzetan (Bigarren Hezkuntza, Batxilerra, LH eta hizkuntza eskolak) lan egiten duten 1.200 garbitzaile inguruk EAEko gobernuak zuzenean kontratatutako garbitzaileen soldata berdintzea eskatu dute, haiek baino % 13 gutxiago irabazten dutela baitiote.
ELAko sindikalistak azpikontraten kolektiboan existitzen den "prekarietatea" ere salatzen dutela azpimarratu du, haietako % 40k jardunaldi partzialak baitituzte, baita jasaten duten "lan karga defendaezina" ere. Azken horien harira, 2.500 eta 2.800 metro karratu bitartean garbitzen dituztela adierazi du, Hezkuntzako langileek 1.240 metro egiten dituztelarik.
Ikasleen eta unibertsitateko langileen "babesa" eskertu du Alberdik. Haietako askok greban dauden langileek Donostian antolatutako protestetan parte hartu dute Talde Feminista Autonomoa eta UKS, Ernai eta Unibertsitateko Indar Batasuna bezalako taldeek sinatutako bi pankartekin, "garbitzaileak ez daude bakarrik" aldarrikatuz.
Peto moreekin zihoazen 30 garbitzaile inguru ordu bete mantendu dira Eusko Jaurlaritzaren egoitza donostiarrean "Garbiketa borrokan. Lan bera, soldata bera" irakurri zitekeen pankarta batekin. Aldi berean, konfetia eta panfletoak jaurti dituzte “eragozpenengatik” barkamena eskatzea aldarrikatuz eta "Hezkuntza, inplikazioa" oihukatuz.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.