Ostiralean Urkullu zabortegira lagundu zutenik gezurtatu dute Beltranen senideek
Joaquin Beltran langilea harrapaturik geratu zen otsailaren 6an, Zaldibarko zabortegia behera etorri ondoren. Haren familiak Iñigo Urkullu lehendakaria kritikatu du larunbat honetan. Beharginaren senideen hitzetan, "Administrazioak gertatutakoan erantzukizunik" ez duela esan zien Urkulluk ostiralean. Familiaren arabera, ardura guztia "Verter Recyclingi" egotzi zion agintariak. Horregatik, "errespetua, gizatasuna eta lotsa" eskatu dute senitartekoek.
Gainera, lehendakariarekin izan zuten bilera utzi eta zabortegira joan ez zirela ziurtatu dute langilearen senitartekoek, Eusko Jaurlaritzak bisitaren berri eman zuela jakin ondoren.
"Murrizketa sorta bat betetzeko baldintzapean" lehendakariarekin biltzea onartu zuen familiak aurrekoetan, senideek ohar batean azaldu dutenez, "baldintza nagusia komunikabideei hitzorduaren eta edukiaren berririk ez ematea" zen.
Martxoaren 13an, ostirala, beste hitzordu bat eskatu zien Eusko Jaurlaritzak. "Baldintza berdinekin adostu genuen", baina bilera hasi ondoren "komunikabideei nahita filtratu ziotenaren berri" izan eta batzarra utzi zuen familiak. "Lehendakaritzak emandako hitza jan zuen", salatu dute senideek.
"Hori gutxi balitz, Julian Beloki Eusko Jaurlaritzako Komunikazio zuzendariaren ohartarazpena jaso genuen senideok: kontuz zer esaten duzuen komunikabideetan" salatu dute, eta "errematatzeko" Urkulluk berak "Administrazioak gertatutakoan erantzukizunik ez duela esan" eta guztia "Verter Recyclingi eta Excavaciones y Construcciones Joaquin Beltrani" leporatu ziola kritikatu dute beharginaren senideek.
Azkenik, "enpatia bakarrik ez da. Erakunde gisa maila ematea soilik ez da. Hitzemandakoa betetzea bakarrik ez. Gizatasuna, errespetua eta lotsa da", azpimarratu dute.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.