Laguntzak jasotzen dituzten nafarrek gutxieneko diru-sarrera automatikoki jasoko dute
Nafarroan dagoeneko errenta bermatua jasotzen duten 11.500 familia-unitateetako kideek ez dute inolako tramiterik egin behar astelehenetik herritarren eskura dagoen bizitzeko gutxieneko diru-sarrera eskatzeko.
Eskabidea ofizioz izapidetu ahal izateko baimena eskatu die jada Eskubide Sozialetako Departamentuak Nafarroan errenta bermatua jasotzen duten pertsona guztiei. Horrela, dirulaguntza hori jasotzeko baldintzak betetzen dituztela egiaztatu ondoren, Nafarroako Gobernuak onuradunen zerrenda igorriko dio Gizarte Segurantzari, prestazio berria jasotzeko eskubidea onar dezan eta herritarrek dagokien laguntza ahalik eta lasterren jaso dezaten. Hala, Nafarroako Gobernuak azaldu duenez, errenta bermatua jasotzen duten familiek baimena eman dute jada.
Eskubide Sozialetako Departamentuaren arabera, jasotako dirulaguntza horren kopuruan ez da aldaketarik egongo, orain arte emandako laguntza ekonomiko bera jasoko baitute aurrerantzean; izan ere, bi dirulaguntza horiekin jasotakoaren batura orain errenta bermatuarekin bakarrik jasotakoaren berdina izango da.
Horrez gain, Nafarroako Gobernuak gaur egun errenta bermatua jasotzen dutenen zenbatekora iritsi arte egon daitekeen aldea ordainduko die bizitzeko gutxieneko diru-sarrera jasotzeko eskubidea duten herritarrei.
Nafarroan, bizitzeko gutxieneko diru-sarrera lehen aldiz eskatu nahi dutenek Espainiako Gobernuaren Gizarteratze, Gizarte Segurantza eta Migrazio Ministerioaren webgunean dute eskuragarri informazio guztia.
Ministerioak adierazi duenez, eskaera egiten dutenek beharrezko informazioa eta dokumentazioa epe barruan aurkezteko aukera izan dezaten, lehen hiru hilabeteetan (2020ko irailaren 15era arte) onartutako eskaeren kasuan, ekainaren 1eko atzeraeraginarekin emango dira dirulaguntzak, betiere baldintzak epe horren barruan betetzen badira.
Bestalde, gaur egungo osasun arloko egoera dela eta, Gizarte Segurantzaren Arreta eta Informazio Zentroak itxita daude herritarrak artatzeko, eta, beraz, eskaera aurkezteko Gizarte Segurantzaren egoitza elektronikoaren zerbitzuak erabiltzea gomendatu du Eskubide Sozialetako Departamentuak.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.