Michelineko Gasteizko eta Lasarte-Oriako langileak gaur itzuli dira lanera
Michelin enpresak Euskal Autonomia Erkidegoan (EAE) dituen bi lantegietako 3.800 beharginak gaur, astelehena, itzuli dira lanera. Ildo horretatik, Lasarte-Oria eta Gasteizko lantegiek uste baino lehenago ekin diote berriro ohiko jarduerari, aurreikuspenak hobetu ondoren.
Hain zuzen ere, enpresa horretako langileak aldi baterako lan-erregulazioko egoeran zeuden maiatzaren 15az geroztik, COVID-19ak eragindako krisiaren ondorioz.
Alabaina, uztailaren 9an, enpresak partzialki amaitutzat eman zuen aldi baterako lan-erregulazioa, konpainiak pandemiaren aurreko ekoizpen-maila berreskuratu zuela arrazoituta.
Horrez gain, "merkatuaren susperraldiaren ondorioz", aurreikusitakoa baino hilabete lehenago ohiko jarduerari berriro ekiteko erabakia hartu zuen zuzendaritzak, eta, beraz, EAEko bi lantegietan bete-betean arituko dira lanean berriro gaurtik aurrera.
Horren aurrean, CCOO sindikatuak "positibotzat" jo du aldi baterako lan-erregulazioa bertan behera uzteko erabakia, baina kezka agertu du urteko azken hiruhilekoan kontsumoak beherakada izan dezakeelako.
Hala, Michelin enpresako langileek segurtasun-neurriak indartuta hasi dute lanaldia, koronabirusa zabaltzea saihesteko prebentzio-neurriak hartuta.
Zure interesekoa izan daiteke
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Bi langile euren borondatez joango dira, beste bi behartuta joango dira eta gainerakoak kalte ordaina emanda kaleratu dituzte. Sindikatuak enpresaren "prekarizazioa" salatu du, eta "egoera horri erantzuteko bide sindikal eta juridikotik" jardungo duela iragarri du.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.