Defizit helburu berria adostu du Nafarroak Ministerioarekin, % 2,3tik % 2,6ra igota
Nafarroako Gobernuak foru erkidegorako defizit helburu berria negoziatu eta adostu du Espainiako Gobernuko Ogasun Ministerioarekin, diru-sarreren jaitsieraren aurreikuspena kontuan hartuta. Hala, uztailean bi administrazioek adostutako % 2,3ko defizita izatetik % 2,6ra pasatuko da.
Zifra berria "aurrerapauso garrantzitsua" da "Foru Gobernuak 2020ko aurrekontuetan bete zuen % 0ko defizit-helburuaren hasierako aurreikuspenaren aurrean", esan du Elma Saiz Ekonomia eta Ogasun kontseilariak. Are gehiago, horri esker, Nafarroak "murrizketarik eta partiden blokeorik gabe itxiko du ekitaldia".
Nafarroako Ekonomia eta Ogasun Departamentuak aurten diru-sarreren jaitsiera % 13'3koa izango dela aurreikusi du, 2020ko aurrekontuaren aldean. Diru-bilketaren azken datuen arabera, diru-sarreren jaitsiera 538'6 milioi eurokoa izango dela aurreikusi dute.
Maiatzean, eta data horretako datuekin, Nafarroako Gobernuak % 20'2ko beherakada izan zuen, 818 milioi euroraino iritsi arte. Harrezkero, zerga bilketak bilakaera hobea izan du hainbat aldagaitan, hala nola errenta kanpainaren bilakaera positiboan, lan-atxikipenetan, Balio Erantsiaren gaineko Zergan eta zerga berezietan. Horri esker, zerga bidezko sarreren beherakadaren aurreikuspena datu berri horretara iritsi da.
Hala ere, Nafarroako Gobernuak zuhurtziazko mezua igorri du, diru-bilketaren aurreikuspenak hobetu diren arren, COVID-19a maila guztietan eragiten ari den egoera berezia dela eta.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.