Bilboko Portuko zamaketariek abenduaren 9ra arte luzatu dute greba
Bilboestiba Bilboko Portuko zamaketarien sozietatean ordezkaritza duten Coordinadora, UGT, LAB eta Kaia sindikatuek greba abenduaren 9ra arte luzatuko dutela iragarri dute.
Urriaren 9tik, 317 langile grebara deituta daude, lan hitzarmen kolektibo berria eskatzeko eta indarrean dagoenaren “urraketa” salatzeko, atsedenaldiei dagokienez, besteak beste.
Sindikatuek eta enpresek negoziatzea aurreikusten dute, baina oraindik ez dute horretarako egutegi bat zehaztu, EFEk galdetutako sindikatuen iturrien arabera. Negoziazioari ekiteko aldarrikapen plataforma bat prestatzen ari dira sindikatuak.
Salaketa grebarako eskubidea ez betetzeagatik
Lan Ikuskaritza grebarako eskubidea urratzeagatik salaketa bat aztertzen ari dela esan du Idoia Mendia bigarren lehendakariordeak eta Lan eta Enplegu sailburuak.
Onda Cero irratian, Mendiak argitu du Eusko Jaurlaritzak grebarako eskubidea zaindu behar duela, eta ez duela erabakitzen Bilboko Portuan egiten diren gutxieneko zerbitzuak, horiek Espainiako Gobernuaren esku daude eta.
"Grebarako eskubidearen urraketa bat badago, gu sartuko gara", esan du, eta horrela, salaketa aurkeztu ostean, "Lan Ikuskaritza aztertzen ari den espediente bat ireki da".
LAB sindikatuak grebarako eskubidearen urraketa salatu zuen, eta kritikatu zuen "gehiegizko" zerbitzu minimoak ezarri izana.
Ikuskaritzak "modu guztiz independentean" egiten du lan, beraz, Mendiak, sailburu bezala, ez dauka espediente horri buruzko informaziorik. Hori bukatzean "ikusiko da benetan grebarako eskubidea urratu den ala ez".
Edozein kasutan, gatazka patronalaren eta sindikatuen arteko elkarrizketekin konpontzea espero du.
Denis Itxaso Espainiako Gobernuak EAEn duen ordezkariak, bestetik, "alde guztien arteko adostasuna" eskatu du, gatazka laboralari lehenbailehen amaiera jartzeko eta normaltasuna berreskuratzeko.
Itxaso gatazkak enpresen lehiakortasunari kalte egin ahal diolako kezkatuta agertu da, eta "grebarako eskubidea guztiz errespetatuz" elkarrekin ados jartzeko eskatu die aldeei.
Zure interesekoa izan daiteke
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.