"Gehien kolpatutako sektoreetako batentzako" laguntzak eskatu dituzte ostalariek
Euskal Autonomia Erkidegoko eta Nafarroako Foru Erkidegoko ostalariek elkarretaratzean egin dituzte zenbait udalerritan, sektoreari laguntzak eskatzeko, COVID-19aren "pandemiak gehien kolpatutako sektoreetako bat" delako eurena.
EAEn positiboen olatuari aurre egiteko tabernak eta jatetxeak itxi ostean, SOS Ostalaritza plataformak hainbat mobilizazio egin ditu udalerrietan.
Bilboko kasuan, hilaren 7an martxa jendetsua egin ondoren, sektoreko dozenaka profesional beste elkarretaratzea egin dute Udaletxearen aurrean, "ostalaritza aurrera" oihuen eta sirena hotsen artean.
Segurtasun distantziak errespetatuta, SOS ostalaritza leloa erakutsi dute pankartetan. Deitzaileek ohartarazi dutenez, taberna askok behin betiko "itxi behar izan edo behar izango dute".
Ezarritako osasun neurriek dakartzaten murrizketekin ere lanean dihardute "zorrak eta alokairuak ordaintzeko", eta esan dute "pandemiak gehien kaltetutako" sektoreetako bat dela eurena.
Horregatik, besteak beste, "indemnizazioak eta langileek lan-erregulazio espedienteen % 100 kobratzea" eskatu dituzte. "Irekitzen ez badugu, ez diezagutela ezer kobratu eta dagokion instituzioak alokairuen eta hipoteken arazoak konpon ditzatela", gehitu dute.
Iruñean manifestazioa egin dute Nafarroako ostalariek. Hiru aste eta erdi eman dituzte itxita, eta egoera larria dela salatu eta milaka lanpostuak bermatzeko laguntzak ala, bestela, sektorearen irekiera eskatu dute ostalariek.
SOS ostalariak plataformak Nafarroako Gobernuari eskatu dio "berehalako erreskate plan erreal bat, sektorearen egoera kontuan hartuko duena, egoera sanitarioak % 100ean irekitzeko aukera ematen digun arte, murrizketa eta itxiera partzial guztiak denbora nahikoarekin abisatzea, planifikazioa egin ahal izateko". Bihar, bilera egingo dute ostalariek eta Gobernuak.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.