EAJk eta PSEk gehiengoa baliatu eta oposizioaren zuzenketa guztiak errefusatu dituzte
EAJk eta PSE-EEk gehiengo osoa baliatu eta atzera bota dituzte, espero zen moduan, oposizioko taldeek 2021eko aurrekontu proiektuari aurkeztutako 1.300 inguru zuzenketa partzialak. Gobernutik kanpo dauden alderdiek berriro errefusatu dute Jaurlaritzaren proiektua, pandemiak eragindako krisiari aurre egiteko gastu publiko nahikorik ez duela iritzita.
Eusko Legebiltzarreko Ekonomia, Ogasun eta Aurrekontu batzordean bozkatu dituzte zuzenketa partzialak, eta azken izapide hori beteta, otsailaren 11n onartuko dituzte EAEko Aurrekontuak osoko bilkuran.
EAJk eta PSE-EEk atzera bota dituzte EH Bilduren, Elkarrekin Podemos-IUren, PP+Cs-en eta Voxen zuzenketak, Eusko Jaurlaritzak aurrekontuetarako babesak lortzeko abian jarritako negoziazio prozesuak porrot egin ostean.
Azken urteotan zuzenketen izapide horretan gertatzen ari den moduan, akordio bakarra lortu dute Saharako Errepublika Demokratiko Arabiarreko Lagunen Elkarteari 220.000 euroko diru-laguntza emateko. Talde guztiek babestu dute, Voxek izan ezik.
Oposizioaren zuzenketek 1.200 milioi euroren erabilera aldatzea proposatzen zuten.
EH Bilduk 40 zuzenketa aurkeztu ditu batzordean 430 milioi euro lekualdatzeko. Besteak beste, Osasun Saila indartzeko 140 milioi gehiago bideratzea proposatzen zuen, 200 milioi covid-19ak gehien kolpatutako sektoreen erreskatea finantzatzeko, 50 hezkuntzarako, eta beste 20 gazteak babesteko.
Josu Estarrona koalizioaren legebiltzarkideak Eusko Jaurlaritzari gehiengo osoan eroso egotea egotzi dio, eta gai ez izatea gainerako taldeen babesa lortzeko. Gainera, Urkulluren lantaldeari esan dio "errealitateak gainez" egin diola eta aurrekontuak "zaharkituta" daudela.
Elkarrekin Podemos-IUren 226 zuzenketetan 220 milioiren erabilera aldatzea proposatzen zen, larrialdi sozialera, DBEra, Emakundera, enplegua sustatzera, osasunera eta trantsizio ekologikora bideratzeko.
David Soto alderdi moreko legebiltzarkideak uste du aurrekontuetan agertzen den gastu publikoa txikiegia dela; zorpetze handiagoa eskatu du eta Eusko Jaurlaritzari susperraldi ekonomikoaren buruzagitza hartzeko "ausardia" falta leporatu dio.
PP+Cs-en 836 zuzenketek 400 milioi eurori eragiten zieten, eta tartean Osasun Sailera beste 100 milioi bideratzea, ostalaritza erreskatatzeko beste 70 milioi jartzea, eta autonomoentzako 65 milioi ematea proposatzen zuen.
Carmelo Barrio bozeramaileak salatu du Eusko Jaurlaritza "harrokeria politikoz" jokatzen ari dela "negoziaziorik ez" duelako egin PP+Cs-ek laguntza eskaini dion arren eta pandemiak "umiltasuna" eskatzen badu ere.
Voxen aldetik, Amaia Martinez legebiltzarkideak "enpresak eta familiak aurrean" jartzeko sartu dituen 200 milioi euroko balioko 217 zuzenketak defendatu ditu.
Itxaso Berrojalbizek (EAJ) eta Sonia Perezek (PSE-EE) erantzun dute aurrekontuek osasun eta ekonomia krisiari aurre egiteko baliagarriak direla, eta 10 eurotik 8 gastu sozialera bideratuko dituztela.
2021eko aurrekontuak 12.442 milioi euro izango ditu, 2020an baino % 5,7 gehiago, eta erkidegoak sekula izan duen kopuru altuena. Gastu errealaren gorakada 770 milioi eurokoa da, defizita % 2,2ra eta zorpetzea handitu delako, ia hirukoiztu egin baita.
Albiste gehiago ekonomia
Fabrikazio aurreratuko 32 euskal enpresa EMO Hannoverren dira, azken berrikuntzak aurkezteko
Makina-erramintak zita oso garrantzitsua du egunotan Hannoverko EMO azokan. Ekonomiak bizi duen ezegonkortasun egoera honetan inoiz baino beharrezkoagoa da munduaren erakusleihoan egoteam eta merkatu berriak jorratzea. Asmo horrekin joan dira, Jaurlaritzak babestuta, EAEko 32 enpresa.
LABen ustez "udazken gorria" datorkio patronalari, EAErako LGS propioa negoziatzea onartu ezean
Igor Arroyo LABen koordinatzaile nagusiak adierazi duenez, patronalak 1.500 euro gordineko langilearteko soldata ezartzeko proposamena "blokeatzen" jarraitzen badu, sindikatuak "gatazkak sortuko ditu, mahaiz mahai, diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.