Gehiengo sindikalak salatu du geldialdi ekonomikoan ere ez direla eten lan-istripuak
ELA, LAB, ESK, Steilas, EHNE eta Hiru sindikatuek salatu dute pandemiaren ondorioz izan den geldialdi ekonomikoak ez duela lan-istripuen eta gaixotasun profesionalen "sarraskia gelditu".
Elkarrekin egin duten agerraldi batean azaldu dutenez, pandemiak guztia "baldintzatu" zuen, eta ekonomia arloan mugikortasunaren mugek eta jarduera batzuei jarritakoek "oso ondorio txarrak" izan dituzte, bai enpresentzat bai langileentzat, "lantegiak itxiz, kaleratzeekin eta lan erregulazio txostenekin".
Sindikatuek adierazi dutenez, "lan jarduerari jarritako mugak muga", 2020an izan diren lan-istripuetan ez da igarri. Izan ere, sindikatuen arabera, istripuen eta gaixotasun profesionalen datuak "hobetzetik urrun" geratu dira Hego Euskal Herrian: "Okerrera egin dute, murrizketekin harrigarria badirudi ere".
Azaldu dutenez, lan-ezbeharren beherakada % 20koa izan da 2019aren aldean, urtarriletik irailera, erakunde publikoen datuen arabera.
Gora egin duen bakarra Bizkaian lan-istripuz hil direnen kopurua izan da, eta lanera bidean edo lanetik bueltan gertatutako heriotzak % 50 ugaritu dira.
Hala eta guztiz ere, sindikatuek aztertutako datuek erakusten omen dute egoerak "nabarmen okerrera" egin duela eta hildakoen kopurua hazi egin dela 2019koaren aldean, "jarduera geldirik egon bada ere".
Gaixotasun profesionalen kasuan, gutxienez 28 pertsona hil dira amiantoarekin lotutako gaixotasunengatik, baina erregistro ofizialetan "ez da agertzen arazo larri honen errealitatea". Gainera, ezin omen da jakin zenbat pertsona hil diren koronabirusa lanean hartuta.
Hori horrela, datu "larriak" eskuartean, salatu dute Eusko Jaurlaritzak eta Nafarroako Gobernuak prebentziora bideratutako dirua "hutsaren hurrena" dela.
EAEn baja eragin duten lan-istripu guztiak aintzat hartuta, "in-itinere" izandakoak barne, 29.979 arinak izan dira (% 95), 196 larriak, eta 27 pertsona hil dira. 2019ko datuen aldean, istripu arinen beherakada % 18,7koa izan da, hildako kopuruak % 10 bakarrik egin du atzera eta istripu larriak % 4,3 ugaritu dira.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.