Turismoa pixkanaka suspertuko dela uste du Euskadik
Javier Hurtado Jaurlaritzako Turismo, Merkataritza eta Kontsumo sailburuaren ustez, turismoaren sektorea "pixkanaka" suspertuko da. Halaber, bidaiarien kopurua handitu baino, kalitatezko bidaiariak bilatu nahi ditu, turismoa urte sasoi ezberdinetan banatu eta egonaldiak luzatu, "etortzen den jendea denbora gehiago egon dadin eta egonaldi luzeagoa egin dezan".
Asteazken honetan inauguratu dute Euskadiren erakustokia Fiturren, eta Radio Vitorian egindako elkarrizketa batean, Hurtadok, jendearen eta, batez ere, turismoaren sektorean lan egiten dutenen grina eta gogoa azpimarratu nahi izan ditu, azken horiek "oso urte zaila" bizi izan baitute.
Hori dela eta, Fitur "inflexio puntu bat" dela esan du, "segurtasun-neurri zorrotzekin" egiten ari dena. Oro har, baikortasun giroa dagoela namarmendu du sailburuak, batez ere txertaketa-prozesuak eraginda. Hala ere, "zuhurtzia" eskatu du, eta eguneroko datuak begiratzen eta zentzuz jokatzen jarraitzeko deia egin du.
"Une ona bizi dugu, eta Euskadik laguntza berezia eman nahi die turismo-sektoreko enpresei eta profesionalei, hori baita orain behar dutena", gaineratu du.
Sailburuaren hitzetan, turismoak % 70eko beherakada izan du EAEn, covid-19ari aurre egiteko hartu behar izan diren segurtasun-neurriak direla eta, eta horrek "asko zaildu du" egoera; izan ere, adibidez, "gida turistikoek ia ez dute lanik egin edo bidaia-agentziek erreserbetatik dirua itzuli behar izan diete bezeroei".
Horren aurrean, eta egoera hori arintzeko asmoz, Hurtadok gogoratu du Jaurlaritzak sektore turistikoari eusteko plan bat jarri zuela abian, 18 milioi euroko laguntza zuzenekin.
Era berean, turismoaren sektoreari "sustapenari eusteko" eskaria egin diola azaldu du, eta hain justu Fiturren hori egiten ari dela, hau da, Euskadi "helmuga seguru, askotariko eta iraunkor" gisa sustatzen.
Euskadik duen eskaintza zabala eta gastronomia bikaina jarri ditu ardatz, baina "natura-turismoaren helmuga" irudia indartzen ari direla ere azaldu du; izan ere, adituen arabera, hori da "pandemiaren ostean bidaia berriei aurre egiteko motibazio nagusietako bat".
Osasun-pasaportea
Osasun-pasaportearen inguruan galdetuta, Hurtadok azaldu du Europako ziurtagiri digitalaren proposamena dela martxan dagoena, eta datozen egunetan horren inguruko "berri onak" izatea espero dutela. "Horixe uste dugu dela turismoa suspertzen lagunduko duen neurrietako bat; dena dela, aurretik genituen kopuruetara itzultzeak luze joko du eta pixkanaka joan beharko dugu".
Horrela, une honetan bere sailaren helburua turismo "nazionala" dela esan du, "Portugal, Alemania eta Frantzia bezalako hurbileko herrialdeetakoa". "Euskadin BPGaren % 6,4 ordezkatzen duen eta 100.000 langileri baino gehiagori eragiten dien sektore batentzat hain beharrezkoa den nazioarteko mugikortasuna suspertzen joan beharko dugu pixkanaka", ziurtatu du.
Zure interesekoa izan daiteke
Euskal ekonomiaren "termometroa" hazkunde leuneko eremura jaitsi da, esportazioengatik
Eusko Jaurlaritzako zabaldutako datuen arabera, euskal ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.