Tapiak esan du IberLyzerrek Guadalajararen laguntzengatik hartu duela erabakia
Arantxa Tapia Eusko Jaurlaritzaren Garapen Ekonomikorako, Iraunkortasunerako eta Ingurugirorako sailburuak esan du IberLyzerrek (Iberdrolaren eta Cummins estatu batuarraren enpresa) itzuli beharko ez dituen laguntzak lehenetsi dituela Gudalajarara joateko, EAE ezin baita laguntza horiekin lehiatu.
Tapiak tamaina handiko elektrolizatzaileak ekoizteko lantegia, IberLyzerrena, EAEn eraiki beharrean Guadalajarara eraman izanaz hitz egin du Gobernu Kontseiluaren osteko prentsaurrekoan.
Alde batetik, sailburuak azpimarratu du enpresak bulego nagusitik (Madrildik) gertuago dagoen lurralde baten aldeko apustua egin duela, eta eremu behartsu bat denez, EAEk baino itzuli beharrik gabeko laguntza gehiago eman ditzakeela.
Bere esanetan, Eusko Jaurlaritzak eta Bizkaiko Aldundiak proposamen bat aurkeztu zuten laguntzetan eta zerga onuretan oinarrituta, eta EAEren kasuan, itzuli beharrik gabeko laguntza inbertsioaren % 10era soilik irits zitekeen, baina Guadalajararenean, % 25era, eremu behartsua delako.
Gainera, Jaurlaritzak lantegia eraikitzeko lurzorua eta eraikuntza ordaintzea proposatu omen zion konpainiari, eta ekarpen hori izango zela enpresa berrian izango lukeen parte-hartzea.
Aitortu du inbertsioa EAEra iristea nahi zuela, eta ez dakizkiela IberLyzerrek Espainiako Gobernutik jaso dituen diru-laguntza guztiak zeintzuk izan diren.
Tapiak esan du Iberdrolarekin lanean jarraituko dutela "Hidrogeno berdearen euskal Y" garatzeko, eta hori hornitzeko tokian tokiko sare bat osatu nahi dutela.
Oposizioa
Oposizioko hiru alderdiek, EH Bilduk, Elkarrekin Podemos-IUk eta PP+Cs-ek Eusko Jaurlaritzari egotzi diote elektrolizatzaileen lantegia EAEn ez eraikitzea.
Arnaldo Otegi EH Bilduren koordinatzaile nagusiak Bilboko Herri Irratian adierazi duenez, "politika industrialaz arduratzen denaren erantzukizuna" da gertatutakoa, "Euskaltel funts putre bati saldu eta gero Espainiako enpresa bati saldu ziotenen berdinena".
"Albiste txarra da, ez dut pentsatu ere egin nahi zer entzun beharko genukeen EH Bilduren administraziopean gertatu izan balitz", adierazi du Otegik.
Buruzagi abertzaleak azaldu duenez, hidrogenoa "energia horniduraren ezinbesteko zatia izan behar da datozen hamarkadetan", eta erabakian eragina izan du Iberdrolaren eta Petronor-Repsol sustatzen dutenen arteko "norgehiagokak".
Bestalde, Pilar Garrido Elkarrekin Podemosen koordinatzaileak proiektuaren "gardentasun falta" kritikatu du, Jaurlaritzak alderdiekin, eragile sozialekin eta EHUrekin landu behar zuelakoan.
"Ozen iragarri ostean ezerezean geratzen diren proiektuak dira. Guk euskal gizartean errotutako eta gizarte osoari aberastasuna ematen dioten beste proiektu batzuen aldeko apustua egiten dugu", gaineratu du Bilbon emandako prentsaurreko batean.
Azkenik, Carlos Iturgaiz PPren EAEko presidenteak sare sozialetan esan du "EAJren kudeaketaren beste porrot bat" dela, eta "saltzen duen euskal oasin aberastasunak ihes" egiten duela.
Zure interesekoa izan daiteke
Abiadura Handiko Trena Abandotik iritsiko da Bilbora, behin-behinean, epeak aurreratzeko
Abiadura Handiko Trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 metro karratu inguru askatu ahal izango dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.