Lan-istripuen kopuruak % 19 egin du gora EAEn uztailera arte: 2020an baino 3.400 gehiago izan dira
2021eko lehen zazpi hilabeteak kontuan izanik, Euskal Autonomia Erkidegoan (EAE) 21.520 langilek izan dute laneko baja lan-istripuren batengatik. 2020ko epe horri berari erreparatuta, datu horrek esan nahi du lan-istripuen kopuruak % 18,7 egin duela gora; guztira, iazko lehen zazpi hilabeteetan baino 3.397 langilek gehiagok izan dute lan-istripuren bat.
Lanaldian izandako istripuak eta lanera joan edo bertatik bueltatu bitartean izandakoak zenbatu dituzte datua ondorioztatzeko. Adierazgarria da, horrez gain, lehen seihileko datuari begiratuta, gorakada % 8,5ekoa zela, baina, uztaila ere zenbatuta, hazkunde hori bikoitza da.
Osalanen datuen arabera, lanaldian izandako istripuak, urtarriletik uztailera arte, 18.556 izan dira (% 19,3 gehiago), eta 'in itinere' jazotakoak, aldiz, 2.040 (% 14,7 gehiago). Baja ekarri zuten 914 berrizkatura izan dira, hau da, % 16 gehiago.
Lanaldian izandako istripu guztiak kontuan izanik, 18.461 arinak izan dira (2020an baino % 19,6 gehiago), 90 larri (beherakada izan da horretan, % 12,6koa), eta 15 kasutan langileren bat hil da (2020ko kopurua errepikatu egin da). 'In itinere' jazotako ezbeharrei erreparatuta, 2027 arinak izan dira (% 14,8ko gorakada izan da), hamar larriak izan dira (2020an, 11), eta hiru langile zendu dira (2020an, bi).
Hiru lurraldeetan hazi egin da
Lurraldeka, lan-istripuak hiruretan izan dira ugariagoak; Araban, % 23,5 hazi da (3.318 ezbehar jazota, lanaldian); Bizkaian, % 19,8 (9.458); eta Gipuzkoan, % 16,4 (5.790) istripu).
Lanaldian izandako ezbeharrak aztertuta, Zerbitzuetan jazo dira gehien (9.995 istripu); zerrenda horretako bigarren postuan, Industria dago (6.018 ezbehar); Eraikuntzan 2.242 istripu izan dira, eta Nekazaritzan, Abeltzaintzan eta Arrantzan 311 baja izan dituzte.
Eraikuntzan izan dute lan-istripuetako tasarik handiena: hain zuzen, 39,8 baja, 1.000 langileko). Industrian, tasa 36,8koa da; Lehen Sektorean, 32,7koa; eta Zerbitzuetan, 14,4koa.
Halaber, Euskadin, 2021eko urtarriletik uztailera arte, laneko baja sortu zuten 886 gaixotasun profesional berri izan dira; 2020an zenbatutakoekin alderatuta, gorakada % 20koa izan da.
889 gaixotasun profesionalek ez zuten bajarik ekarri; 2020an 706 izan ziren, hau da, aurten baino % 26 gutxiago.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.