Tubacexeko enpresa batzordea eta zuzendaritza akordiotik gertu daude
Tubacexeko zuzendaritza eta enpresa batzordea aurreakordio batetik gero eta gertuago daude, EITB Mediak jakin duenez. Enpresa batzordeak bidalitako azken proposamena onartu du Tubacexeko zuzendaritzak, baina oraindik aurreakordioa da, bi aldeen sinadura falta baita.
Laudioko eta Amurrioko lantegietan 10 milioi euro aurreztu ahal izateko, hainbat neurri biltzen dira proposamenean. Bi lantegi horiek hartzekodunen konkurtsoan leudeke, Tubacex taldeko gainerako lantegiei esker ez balitz.
Batzordeak proposatutako neurrien artean, irteera boluntarioak, soldatak izoztea edota EPSVak murriztea aurreikusten da; ez, ordea, kaleratzarik.
Eusko Jaurlaritzako Lan Sailak bilera batera deitu ditu bihar Tubacexeko zuzendaritza eta enpresa batzordea, Arabako enpresako gatazka amaitzeko akordioa ixteko, negoziazioan parte hartu duten iturriek Europa Press albiste-agentziari jakinarazi diotenez.
Akordioa sinatuko balitz, berehala geratuko litzateke bertan behera greba mugagabea 231 egunen ondotik.
Eusko Jaurlaritzak eta Arabako Foru Aldundiak aurre-akordio hori berrestea oso albiste ona izango litzatekeela esan dute. Bingen Zupiria Eusko Jaurlaritzako bozeramailearen hitzetan, "albiste positiboa izango litzateke langileentzat eta Euskadirentzat, Arabarentzat eta Aiaralderako hain garrantzitsua den jarduera industrialari eutsiko liokeelako".
Zupiriak esan du ez duela zuzenean jakin ituna egin denik, baina Eusko Jaurlaritzak elkarrizketaren aldeko eta bi aldeen arteko akordioak lortzeko apustua egin duela esan du.
Bestalde, Arabako ahaldun nagusiak azpimarratu du konponbidea adostea "etorkizunean enpresaren jarduera eta langileen lanpostuak babesteko modu bakarra" dela.
"Akordioa berretsiz gero, aparteko albistea litzateke, eta eskatzen genuen elkarrizketari erantzuten dio", gaineratu du.
Pascal Gomez SEA Arabako Enpresen Elkarteko presidenteak "zuhurtzia handia" eskatu du egiten ari diren negoziazioen aurrean, eta "lan egiten uzteko" eskatu du, zazpi hilabeteko gatazkaren ostean, "akordio garrantzitsua delako probintziarentzat, enpresarentzat eta langileentzat".
Azkenik, LAB Tubacexek Twitter sare sozialean azaldu duenez, ez dute aurreakordioaren berririk. Tubacex Borrokan mugimenduak ere antzeko zerbait plazaratu du:
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.