Aurreakordioa onartu du Tubacexeko afiliatuen gehiengoak, baina CCOOk langile guztiek bozkatzea nahi du
Tubacexen langile batzordeak langileen ordezkariek eta zuzendaritzak lortu zuten aurreakordioa babestu du, nahiz eta sindikatu nagusiek, ELAk eta STATek, kontrako iritziak izan. Azkenean CCOOk izan du erabakiaren giltza, eta aldeko botoa eman du.
CCOOren afiliatuak akordioaren alde agertu dira; izan ere, militanteen % 67 proposamena babestu du.
Nahiz eta sindikatuetako militanteen onespena izan, CCOOk enpresa-batzordeari langileen batzarra egitea proposatuko dio astelehenean. Gainerako sindikatuek emandako erantzunarekin, CCOOk esan du "balantza estua" dela (7 ordezkari alde, 6 kontra), eta horrenbestez, behargin guztien bozketa proposatuko du.
Horrela, Tubacexeko enpresa-batzordeak behargin guztien bozketa egin ala ez erabaki beharko du datorren astelehenean. CCOOren hitzetan, aurreakordioak ez du "gehiengo zabala" lortu.
ELAn afiliatutako Tubacexeko Laudioko eta Amurrioko langileek onartu egin dute aurreakordioa, lantegia zazpi hilabetez geldiarazi duen lan gatazkari amaiera emateko. Sindikatuak jakinarazi duenez, akordioak aldeko 125 boto eta kontrako 50 jaso ditu.
ELAk 4 ordezkari ditu batzordean, eta bera da burua. Baina STATek ere lau ordezkari ditu, CCOOk 3, eta LABek eta ATALek, bana.
Hori horrela, STATen afiliatutako langileek zuzendaritzaren proposamena errefusatzea erabaki dute, nahiz eta tartea txikia izan den.
LABek eta ATALek iragarria zuten kontrako iritzia. Ondorioz, CCOOko militantziak izan du azken hitza.
Sindikatuek militanteen bozketa antolatu dute Tubacexeko zuzendaritzak eta enpresako langile batzordearen gehiengoak atzo egin zuten akordioaren inguruan.
Ostegun honetan lotutako akordioak bertan behera uzten ditu kaleratze guztiak, enplegua bermatzen da, eta 2024ra arteko inbertsioei eusten zaie "denboran mugatutako" murrizketen truke.
Idoia Mendia Lan eta Enplegu sailburuak esan du "albiste bikaina" dela atzoko akordioa, eta aitortu du negoziazio "zaila" izan dela, "merezi" izan duen arren.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.