Eusko Jaurlaritza oposizioarekin aurrekontuen babesak negoziatzen hasiko da gaur
Eusko Jaurlaritzak gaur, asteazkenarekin, abiatuko ditu elkarrizketak oposizioarekin, datorren urteko aurrekontuei babesa emateko, nahiz eta aurrekontuak babesten dituzten taldeek, EAJk eta PSE-EEk, gehiengo osoa izan Eusko Legebiltzarrean.
Oposizioko taldeetako iturriek baieztatu dutenez, Pedro Azpiazu Ogasun eta Ekonomia sailburua EH Bildurekin, Elkarrekin Podemos-IUrekin eta PPrekin bilduko da, sailburuak aste honetan Legebiltzarrean agerraldia egin ostean, sail bakoitzaren kontuen ildo nagusiak azaltzeko.
Hain zuzen ere, agerraldien irekieran, Azpiazuk berretsi zuen oposizioari gonbita egin ziola "hobekuntza sozialak eta politika sektorialak" adosteko EAEko 2022ko aurrekontuen proiektuaren negoziazioaren esparruan, eta horren "bereizgarri" inbertsio publikoa dela esan du.
Eusko Jaurlaritzaren 2022rako aurrekontuen proiektua 13.107,8 milioi eurokoa da, eta 1.605 milioi euroko inbertsioak aurreikusten ditu. Kopuru horiei EBtik irits daitezkeen berreraikuntzarako funtsak gehituko zaizkie.
Eusko Jaurlaritzak proiektua onartuko duela bermatuta duen arren, Iñigo Urkullu lehendakariak behin baino gehiagotan eskaini du babes hori zabaltzeko negoziazioa abiatzea, baina, Azpiazuk iragarri bezala, Vox negoziazio horretatik kanpo geratu da.
Hori bai, proiektua Legebiltzarrean tramitatzeko sartu zen egun berean argitu zuen negoziazio "errealista" izan beharko litzatekeela, autonomia erkidegoen eskumenekin bat datorrena eta "betorik" eta bazterketarik gabekoa.
Orain arte, EH Bilduk proiektua arretaz aztertuko dutela eta "akordio zabalak lortzeko" negoziatzeko prest daudela iragarri du, nahiz eta Maddalen Iriarte EH Bilduren Eusko Legebiltzarreko bozeramaileak Jaurlaritzari ohartarazi zion "egoerak eskatzen duen maila" ematea dagokiola eta "hiruzpalau partida mugitzetik harago elkarrizketa zintzoa irekitzeko gai izatea".
Miren Gorrotxategi Elkarrekin Podemos-IUk Legebiltzarrean duen bozeramailea negoziatzeko prest agertu da aste honetan, bere esanetan, proiektuak jasotzen dituen "murrizketa sozialak iraultzeko".
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.