Escrivak ukatu egin du pentsioak kalkulatzeko epea luzatzea Europar Batasunak eskatu duenik
Jose Luis Escriva Gizarte Segurantza ministroak ukatu egin du pentsioak kalkulatzeko epea luzatzea Europar Batasunak eskatu duenik. Toledoko Ituneko gomendioak aintzat hartuta Espainiako Gobernuak landu zuen Errekuperazio Planean jasota dagoela esan du, eta ez dela derrigorrezko izango.
"Ez dut polemikaren nondik norakoa ulertzen. Niri duela urtebete Pablo Iglesiasek zabaldutako zurrumurru bat iruditzen zait, noizean behin berriro ateratzen dena", esan du ministroak.
Escrivak azaldu duenez, Toledoko Itunaren gomendioetan, pentsioak zenbatzeko sisteman lan-merkatuko errealitate berriak eta "aldakorrak" daudela kontuan hartzeko eskatu zen; izan ere, egungo sistemak urteak bete ahala kotizazioak hobetzen direla hartzen du kontuan, baina hori azken urteetan aldatu egin dela iritzi dio ministroak.
Azaldu duenez, langileen % 30entzat kotizatutako azken urteak ez dira onenak. Horregatik, sistema bidezkoago bat gauzatu behar dela uste du, eragile sozialekin 2022an adostuko dutena. "Kalkulu epea luzatzea baloratu beharko da, baina ez nahitaez, kotizatutako urte onenak aukeratzeko sistema bat egin liteke". Dena dela, gai honen inguruan ez dagoela ezer berririk, esan du ministroak.
Escrivak ukatu egin du, "erabat", karrera profesional jakin batzuetarako pentsioen kalkulu-epea luzatzeak pentsio-gastua murriztea duela helburu; izan ere, asmoa sistema "bidezkoagoa" egitea da, eta azken urteetan kotizatutako langileen egoera hobetzea.
Ministroak ziurtatu duenez, "ez du arazorik ikusten eta ez du kezkatzen" gai honen inguruan koalizio-gobernuan eztabaida sortzea; izan ere, Berreskuratze Planean jasotako neurri bat da, "Gobernu osoak bere gain hartu duena", "aspalditik" hitz eginda dagoena. Gainera, Bruselari ideia bikaina iruditu zaiola azpimarratu du.
Mitxel Lakuntza: "EAJren eta EH Bilduren esku dago pentsioen murrizketa geldiaraztea"
Espainiak erretiro pentsioak kalkulatzeko kotizazio aldiak luzatzeko asmoa duela iragarri biharamunean, Europako funtsen atzean benetan zer dagoen argitzeko eskatu die Mitxel Lakuntza ELAko idazkari nagusiak Eusko Jaurlaritzari eta alderdi politikoei Euskadi Irratiko Faktoria saioan egin dioten elkarrizketan.
"Begi-bistan geratu da lotuta daudela Europako funtsak eta pentsioen jaitsiera", azpimarratu du, eta gehiengoa osatzeko EAJren eta EH Bilduren jarrera izango dela gakoa: "Euren esku dago geldiaraztea".
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.