Enpresek martxoaren 30era arteko epea izango dute ostiralean indarrean sartuko den lan erreformara egokitzeko
Lan erreformaren errege lege dekretua gaur argitaratu da BOE Espainiako Aldizkari Ofizialean eta ostiral honetan sartuko da indarrean. Hala ere, enpresek martxoaren 30era arteko epea izango dute Espainiako Gobernuak CCOO eta UGT sindikatuekin eta CEOE patronalarekin adostu duen lan araudi berrira egokitzeko.
2021eko abenduaren 31tik martxoaren 30era bitartean obra eta zerbitzuengatik edo ekoizpen arrazoiengatik egindako aldi baterako kontratuek hitzartutako egunean indarrean zegoen lege araudia bete beharko dute.
Abenduaren 31 baino lehenago eginak badira, kontratu horiek eta eraikuntzako obra kontratu finkoak gehienezko iraupenera arte aplikatuko dira.
Ministroen Kontseiluak lan-merkatua erreformatzeko Lege Dekretua onartu zuen iragan asteartean, behin-behinekotasunari muga jartzeko, negoziazio kolektiboari oreka itzultzeko eta pandemian erabiltzen direnak ordezkatuko dituzten aldi baterako lan-erregulazioko espedienteak legedi arruntean sartzeko, baina helburu berarekin: kaleratzeak saihestea.
Araudi berriaren arabera, lan kontratu arrunta mugagabea izango da, eta arrazoi oso jakinekin bakarrik egin ahal izango dira adi baterako kontratuak.
Hitzarmen kolektiboen ultraktibitatea aplikatuko da berriro, hots, hitzarmen kolektibo batek indarrean jarraituko du hura berritzea negoziatzen den bitartean.
Sektoreko hitzarmenak lehentasuna izango du enpresakoarekiko. Kontraten eta azpikontraten enpresetan sektoreko hitzarmen kolektiboa aplikatuko da, enpresa horiek hitzarmen propioa dutenean izan ezik.
Kaleratzeak saihesteko enplegua doitzeko mekanismoak indartuko ditu lan araudi berriak. Pandemia garaian erabili diren aldi baterako lan erregulazioko espedienteak mantendu egingo dira eta horiek tramitatu ahal izateko erraztasunak emango dira.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.