Pentsio publiko "duinak eta bidezkoak" eskatzeko manifestazio olatu berria, Hego Euskal Herrian
Euskal Herriko Pentsiodunen Mugimenduak manifestazioak deitu ditu larunbat honetarako Bilbo, Donostia, Gasteiz eta Iruñean, baita Eibar, Ondarroa, Tafalla, Altsasu eta Lizarran ere. Alde batetik, 2018an hasitako mobilizazio masiboen laugarren urteurrena ospatu nahi dute, eta bestetik, pentsio publiko "duin, bidezko eta nahikoak" aldarrikatu.
Protestak 12:00etan abiatuko dira Gasteiz (Correos plaza), Donostia (Alderdi Eder), Bilbo (Kale Nagusia) eta Iruñean (Baluarte plaza), baita Eibar, Ondarroa, Tafalla, Altsasu eta Lizarran ere. Bizkaian, Ezkerraldetik eta Meatzaldetik bi zutabek Bilboko manifestazioarekin bat egingo dute 11:30ean.
Bizkaiko 20 pentsiodun baino gehiagok itxialdia hasi zuten ostegunean Irala auzoko lokal batean, Bilbon. Itxialdia larunbateko 11:00etara arte luzatuko da, 12:00etan Kale Nagusiko manifestazioarekin bat egiteko.
Era berean, Gipuzkoako pentsiodun talde batek beste itxialdi bati hasiera eman zion iragan astelehenean, eta larunbat honetan amaituko da mobilizazioen atarian.
ELA, LAB, ESK, Steilas, Etxalde, HIRU, CGT-LKN eta CNT sindikatuek mobilizazioetan parte hartzera deitu dute. Adierazpen bateratu batean, mobilizazioei eusteko beharra defendatu dute, "abenduan onartutako lan erreformari eta pentsioen erreformari ezetz esateko".
"Kongresuak baliozkotu behar duen lan erreformak ez ditu aurrekoak indargabetzen; gainera, kaleratze indibidual eta kolektiboa merketu eta errazteko neurriak ez ditu ukitu, eta lurraldeko hitzarmenen gainetik Estatu mailakoak lehenesten ditu", kritikatu dute.
Bestalde, pentsioen erreformak "aurre-erretiroak murrizten ditu". Gainera, "2011ko pentsio erreformaren murrizketak" ez ditu indargabetzen, "eta erosteko ahalmenean hiru puntuko galera suposatzen du 2022an", erantsi dutenez.
"Gutxieneko pentsioek ziztrinak izaten jarraituko dute, urteak aldarrikatzen daramakigun 1.080 eurotik oso urrun. Pentsioen pribatizazioan sakontzeko ateak zabalik utzi dituzte", ohartarazi dute sindikatuek.
Oneka Euskal Emakume Pentsionisten plataformak kalera ateratzea eskatu die herritarrei. Salatu dutenez, gobernuen mugimenduak "gutxi izan dira", euren eskaerei "entzungor eginez". Onekaren hitzetan, "pentsiodun eta langile kolektiboentzako erreforma anker gehiago" onartu dituzte.
Emakumeen egoera bistaratu nahi izan du Onekak. Konkretuki, 1.000 euroren azpitik dauden pentsioen % 72,33 emakumezkoenak direla kritikatu du plataformak.
Azkenik, Espainiako eta beste erkidegoetako pentsiodunen elkarteek Euskal Herriko Pentsiodunen Mugimenduak deitutako mobilizazioak babestu dituzte. Haien mobilizazio "masiboak" Estatuko pentsiodunentzako "eredu bat" dira, azpimarratu dutenez.
COESPE, ASJUBI40, Movimiento Andaluz en Defensa de las Pensiones Públicas, Federacion de Organizaciones Andaluzas de Mayores eta Movemento Galego en Defensa das Pensións e os Servizos Públicos kolektiboek, besteak beste, "elkartasuna" adierazi diete euskal pentsiodunei.
Albiste gehiago ekonomia
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.
Correosek aldi baterako etengo ditu balio txikiko paketeen bidalketak Estatu Batuetara eta Puerto Ricora
Correosek ostiral honetan ohar baten bidez jakitera eman duenez, Estatu Batuetako aduana-arauak aldatu dira, balio txikiko bidalketei aplikatzen zitzaien muga-zergen salbuespena kentzeko. Ondorioz, Correos-ek mota horretako bidalketak 24ko (igandea), 23:59ra bitartean soilik onartuko ditu.