Milaka pertsona atera dira kalera Bilbon, Gasteizen eta Donostian Osakidetzarentzat baliabide eskatzeko
Milaka pertsona atera dira gaur kalera Bilbon, Gasteizen eta Donostian, Osakidetzako sindikatuek deituta, Euskal Osasun Zerbitzura "berehala" baliabide gehiago bideratzea eskatzeko eta "osasun sistema publikoaren prekarizazioa eta desegitea" salatzeko.
Manifestazio hauen aurretik, pasa den ostiralean greba egin zuten Lehen Arretako langileek, eta datorren astelehenean greba orokorra dago deituta Osakidetza osoan.
SATSE, ELA, LAB, CCOO eta UGT sindikatuek deitu dituzte protestak, eta helburua da Osakidetza "berehala neurriak hartzera behartzea", funtzionamendua eta langileen lan-baldintzak hobetzeko.
Donostian Boulevardetik abiatu da manifestazioa; Bilbon, Bihotz Sakratutik; eta Gasteizen, Plaza Berritik. "Lehen Arretan bizi den egoera larria eta ospitaletako arretaren gainkarga" salatu eta lan-baldintza "duinak" eskatu dituzte.
Esther Saavedra, Eneko Pascual eta Ana Vazquez ELA, LAB eta UGT sindikatuetako ordezkariek hedabideen aurrean azaldu dutenez, "euskal osasun publikoaren etorkizuna dago jokoan". "Ezin zaio prekarietate honi eutsi, behin behinekotasunari eta gehiegizko lan kargari", zehaztu dute. Gainera, Osakidetza langileekin eta "herritar guztiekin prepotentziaz" jokatzen ari dela deitoratu dute.
Lehen Arretaren "kolapsoa" eta "ospitaleetako gainkarga" izan dira salaketa nagusiak, eta azpimarratu dute ez dela une honetako arazoa. Sindikatuen arabera, mobilizazioen bitartez soilik "behartu" daiteke Osakidetza "mugitzera".
Sindikatuek eskatzen dituzten hobekuntzen artean 2023ko aurrekontua igotzea dago, Europar Batasuneko batez bestekora iritsi arte (aurrekontu osoaren % 7), eta laurdena lehen arretara bideratzea. Era berean, "milaka lanpostu sortzea" eskatzen dute, "lan karga arrazionalizatzeko eta herritarrei kalitatezko arreta eskaintzeko".
Era berean, "langileria egonkortuz, 24.600 langileri eragiten dien behin behinekotasuna % 8ra jaistea" proposatzen dute. Erosteko ahalmena berreskuratzea ere bada aldarrikapenetako bat, "murrizketa guztietan atzera" egitearekin batera.
Greba astelehenean
Astelehenerako, berriz, greba orokorra deitu dute Osakidetza osoan, eta manifestazioak egingo dituzte, gaur bezala, EAEko hiru hiriburuetan.
Bilbokoan Basurtuko ospitaletik abiatuko dira eguerdian, Donostian Groseko Osasun zentrotik, 12:30ean, eta Gasteizen, Santiago ospitaletik, eguerdian.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.