Bizkaiak soberakinetako 270 milioi bideratuko ditu Metroa Galdakaora heltzeko eta Artatza estaltzeko
Bizkaiko Foru Aldundiak 2021eko aurrekontuetatik gastatu gabe geratutako dirutzarekin finantzatuko ditu lurraldearentzat "estrategikoak" diren proiektuak, hala nola, Bilboko metroa Galdakaora iristeko lanak edota Leioako Artatza errepidea estaltzekoak. Hala iragarri du prentsaurrekoan Unai Rementeria Bizkaiko ahaldun nagusiak, iazko aurrekontuen behin-behineko likidazioa onartu ostean.
Foru erakundeak, EAEko beste batzuek bezala, zorpetzearen alde egin zuen covid-19ak eragindako osasun krisiari aurre egiteko —hala egiteko baimena eman zuen Europak— eta 2022 honetan egiaztatu duenez, 419,7 milioi euro ditu oraindik gastatu gabe, soberakin gisa.
Ahaldun nagusiak iragarri duenez, kopuru horren bi heren, zehazki 269,3 milioi euro, datozen ekitaldietan amaitu beharreko" proiektu estrategiko batzuk bermatzeko" erabiliko dituzte. Hala, 180 milioi euro Bilboko metroa Galdakaora eta Usansoloko ospitalera heltzeko lanetara bideratuko dituzte, baita lur azpiko trena Euskotreneko lineekin (Busturialdea eta Durangaldea) lotzeko ere.
Era berean, Artatzako errepideak Leioan duen tartea estaltzeko 65 milioi euro erabiliko dituzte.
Soberakinen 8,7 milioi Leioako eta Elorrioko adinekoen egoitzak eredu berrira moldatzera zuzenduko dituzte. Antzeko kopurua, 8 bat milioi, erabiliko dute bazterketan dauden pertsonei laguntzeko etxebizitzak erosteko. Halaber, Lezama, Arratia eta Uribeko bide zaharreko bide berde berriak eraikiko dituzte, eta horretan bi milioi gastatuko dituzte.
Foru Aldundiak lehen sektorerako hainbat neurri jarriko ditu martxan, eta soberakinen zati bat horrela banatuko du: 1,5 milioi euro aurrez aurreko plan baterako eta 1,5 milioi euro baso-laguntzen eta efizientzia energetikoa hobetzeko plan baterako. Azkenik, 2,6 milioi erabiliko ditu mendiak erosteko eta bertan baso-espezie autoktonoak landatzeko.
Azkenik, gerakinen beste herena, 150 milioi euro, gorde egingo du foru erakundeak, "zuhurtzia gidari hartuta, eta gaur egungo egoera ekonomikoa eta zalantza-giro orokorra kontuan edukita", laguntza plan edo ekintza bereziren bat abian ipini edo orain aurreikusita ez dagoen aparteko gasturen bat egin beharko balitz ere.
Zure interesekoa izan daiteke
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.
Ekialde Hurbileko gerrak eragina izango du Bilboko Portuan, baina aukera ere bihur liteke
Arku Atlantikoko portu komertzial handiena da Bilboko Portua, trafikoari, azpiegiturei eta ematen dituen zerbitzuei dagokienez. Azken zabalkundea 2027ko lehen hiruhilekoan burutuko du, kai-mutur nagusiko lanak amaitzen direnean.
ELAren arabera, Trapagarango Tubos Reunidoseko delegatuek "jada ez dute sindikatua ordezkatzen"
Amurrioko eta Trapagarango lantegietan ordezkaritza duten sindikatuek erreakzio ezberdinak izan dituzte enplegu-erregulazoko espedientea atzera bota ondoren. ELA eta LAB langileekin harro agertu dira, eta borrokan jarraitzen dutela adierazi dute, "enplegua defendatuz". CCOO sindikatuaren hitzetan, "ziurgabetasuna" zabaldu da, eta UGTren esanetan, berriz, euren delegatuek "era kontsekuentean" jokatu dute.
Tubos Reunidosek esan du enplegu-erregulazioko espedientea ezarri behar duela, eta etorkizuna zalantzaz beteta dagoela
Enpresako zuzendaritzak aukera guztiak aztertuko ditu, eta datozen egunotan jakinaraziko die bere erabakia negoziazio batzordeari eta lan agintaritzari. Ez da baztertzen enpresak hartzekodunen konkurtsoa eskatzea.
Martxoaren 17ko greba orokorra "arrakastatsua" izatea aurreikusten dute sindikatu deitzaileek
ELA, LAB, Steilas, Hiru eta Etxalde sindikatuek adierazi dutenez, grebaren aldeko atxikimendua "oso zabala" izaten ari da eta dagoeneko 1.750 enpresatako lan batzordeek eta ehunka gizarte eragilek egin dute bat 24 orduko lanuztearekin.
Akordiorik gabe amaitu dute Tubos Reunidoseko lan-erregulazioko espedientearen negoziazioa
Kontsulten epea akordiorik gabe amaitu ostean, Tubos Reunidoseko zuzendaritzak esan du iragarritako 301 kaleratzeak gauzatuko dituela Amurrioko eta Trapagarango lantegietan.
Tubos Reunidoseko langileek elkarretaratzea egin dute Bilbon, enplegu-erregulazioaren gaineko azken bilera egiten ari zirenean
Tubos Reunidoseko langileek elkarretaratzea egin dute Bilboko Euskalduna Jauregiaren atarian, enpresa batzordeko ordezkariak eta zuzendaritza lan-erregulazioko espedientea negoziatzeko kontsulta-epearen azken bilera egiten ari ziren bitartean.
Jauregik galdetu du ea nor ausartzen den Tubos Reunidosen inbertitzera
Radio Euskadin gaur egindako elkarrizketan, Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak galdetu du ea nor ausartzen den Tubos Reunidosen inbertitzera, pilatutako zorraz gain, orain Ekialde Hurbileko gerraren ondorioek ere jo baitute. Sailburuaren hitzetan, horrek "shock bikoitza" eragin du euskal industrian; izan ere, Trumpen administrazioaren muga-zergen ostean, AEBk Iranen aurka hasitako gerrak eragina izan du energia, logistika eta merkatuen galeraren alorrean.
Arrautzak % 30 garestitu dira urtebetean, eta fruta, % 6 hilabetean
Elikagaien prezioak mantendu egin ziren otsailean, baina arrautzak eta fruta garestitu egin ziren. Erosketa-saskiak igoerak izan zituen hileko zein urteko datuak kontuan hartuta, eta tentsioa dago oinarrizko hainbat produktutan.
KPIa hamarren bat igo da Euskadin, eta % 2,4ra heldu da otsailean
Hiru hilabetez jarraian behera egin ondoren, urte arteko inflazioak behera egin du otsailean Euskadin, jatetxeen eta elikagaien garestitzeagatik. Elektrizitatea, berriz, merkatu egin da.