3.800 lagunek lana galdu dute EAEn lehen hiruhilekoan eta 900 nafarrek topatu dute enplegua
2022ko lehen hiruhilekoan 3.800 enplegu suntsitu dira EAEn, aurreko hiru hilabeteetan baino % 0,39 gehiago; hala, biztanleria aktiboa 953.200 pertsonakoa da. Aurreko urteko aldi berean, % 5,75 hazi zen landunen kopurua, 51.900 lagunek topatu baitzuten lana orduan.
Ostegun honetan argitaratutako Biztanleria Aktiboari buruzko Inkestaren arabera, urte hasieran baino 2.600 langabe gehiago daude EAEn (% 2,99 gehiago), eta 90.800 dira lanik gabe dauden herritarrak. Langabezia-tasa % 8,69koa da, 2021eko itxieran baino 25 ehunen gehiago, nahiz eta Espainiako txikiena izaten jarraitzen duen.
Nafarroan, egoera oso bestelakoa da: enplegua % 0,32 hazi da Foru Erkidegoan urteko lehen hiruhilekoan, eta termino erlatiboetan gehien igo diren erkidegoen artean bigarrena izan da, Valentziako Erkidegoaren atzetik (% 1,89).
Azken datuen arabera, Nafarroan 288.800 pertsona daude lanean, 2021eko azken hiruhilekoan baino 900 gehiago, eta 33.600 langabe.
Espainiako Estatuan, 2022ko lehen hiruhilekoan, bost erkidegotan eta Ceuta hirian bakarrik egin du gora enpleguak, eta hamabi erkidegotan eta Melillan egin du behera; Estatu osoan, batez beste, % 0,50eko jaitsiera izan du.
Lan-merkatuak 100.200 landun galdu zituen urteko lehen hiruhilekoan, aurrekoaren aldean, guztira 20.084.700 landun zenbatu baitzituzten; langabeziak, berriz, gora egin zuen, 70.900 langabe gehiago zenbatuta, guztira 3.174.700 langaberaino iritsi baitzen datua, normalean enplegurako txarra izaten den aldi batean.
Urte arteko datuei dagokienez, enplegua autonomia-erkidego guztietan hazi da urtebetean; % 5,75 egin du EAEn eta % 4,01 Nafarroan. Estatuan, berriz, batez beste % 4,57 egin du gora enpleguak.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.