Osakidetzak 318 milioi euro bideratuko ditu 27.000 langileren plusak ordaintzeko
Garapen profesionaleko ezohiko deialdiari hasiera emateko, 318 milioi euro Osakidetzara bideratzea adostu du Eusko Jaurlaritzak. Horrela, 27.000 behargin baino gehiagok plus ekonomikoak bereganatuko dituzte ibilbide profesionalagatik.
Gobernu Kontseiluak akordioari oniritzia eman dio. Exekutiboak gogorarazi duenez, Osakidetzak eta LAB, CCOO eta UGT sindikatuek aurreakordioa itxi zuten Mahai Sektorialean. Dirua urtea bukatu baino lehen ordainduko dela zehaztu du Jaurlaritzak.
Osakidetzak ezohiko deialdia lehenbailehen zabalduko du, eta atzeraeraginezkoa izango da 2019, 2020 eta 2021 ekitaldietarako, eta aurtengoa ere gauzatuko da.
Eusko Jaurlaritzak gogora ekarri duenez, deialdi prozesua Mahai Sektorialean eztabaidatu zuten gaietako bat izan zen azken bileretan, baina sindikatuek ez zuten parte hartu.
"Nahiz eta ez parte hartu, Eusko Jaurlaritzak pausoak ematen jarraitu du, akordioak betetzeko", eta 318 milioi onartzea "horren eta elkarrizketarako zein akordiorako borondatearen adibide da", azpimarratu du Bingen Zupiria Exekutiboko bozeramaileak Gobernu Kontseiluaren ostean.
Garapen profesionala aitortza indibiduala da, Osakidetzako beharginen ibilbide profesionala plus ekonomikoen bidez baloratzeko, langileak motibatzeko helburuarekin; herritarrei eskaintzen zaien arretaren kalitatea hobetzeko asmoz.
Zure interesekoa izan daiteke
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaileak Tubos Reunidosen konkurtso-administratzailea, enpresa eta sindikatuak deitu ditu hilaren 26rako
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.