Inposizioa alde batera utzi eta negoziazioari berriro ekiteko deia egin diote sindikatuek Osakidetzari
SATSE, ELA, LAB, CCOO, UGT eta ESK sindikatuek "inmobilismoa eta inposizioaren eta propagandaren bidea alde batera uzteko" eskatu diete Osakidetzari eta Osasun Sailari. Gaineratu dute euskal osasun publikoa indartzeko "konponbide estrukturalak eta sakonak" negoziatze aldera, elkarrizketaren bideari berriro ekiteko.
Lehen Mailako Arreta eta Buru Osasuneko zentroetan greba-eguna dute gaur eta manifestazioak egin dituzte goizean sindikatuek Donostian, Bilbon eta Gasteizen. Nabarmendu dutenez, jarraipena "zabala" izaten ari da, gutxieneko zerbitzuak "gehiegizkoak" izan arren.
Adierazi dutenez, "zerbitzu askotan, gutxieneko zerbitzuekin soilik ari dira lanean", eta Zumarragako edo Mendaroko ospitaleko ebakuntza-gelak, eta San Eloykoak, esaterako, itxita daude grebaren eraginez".
Besteak beste, joan den astean deitutako Mahai Sektorialean gertatutakoan jarri dute azpimarra sindikatuek; izan ere, Osakidetzak "uko egin zion % 58 inguruko behin-behinekotasun tasa amaitzeari, egungo plantillako 24.000 langile baino gehiagori eragiten diena".
Osakidetzaren arabera, baina, % 3,27koa izan da grebaren jarraipena. Osasun Sailak adierazi du geldialdiak Bizkaian izan duela erantzun handiena ( % 3,59). Gipuzkoan langileen % 3,15ak ez du lanik egin eta, Araban, berriz, % 2,6ak.
Lanbideei dagokionez, medikuen % 1,42k eta erizainen % 3,48k erantzun diote sindikatuen deialdiari. Gainerako kategorietan, grebaren jarraipenaren % 4,59ra igo da, Osasun Sailaren arabera.
Eusko Jaurlaritzak ez du ulertzen "egoera honetan, grebara jotzea"
Eusko Jaurlaritzak ez du ulertzen "egoera honetan, grebara jotzea", eta elkarrizketarako deia egin die sindikatuei, "pixkanaka, dauden arazoak bideratzeko unea delako".
Bingen Zupiria Jaurlaritzako bozeramaileak Radio Euskadin egindako elkarrizketa batean adierazi duenez, Gotzone Sagardui Osasun sailburua "etengabe ari da ahalegintzen sindikatuak Osasun Sailaren eta Osakidetzaren arteko elkarrizketa-mahaietara deitzeko", eta gainetu du gonbidapena iraunkorra dela.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.