Galanek Iberdrolaren mozkin-marka helburua berretsi du 2022rako, dibidenduaren areagotzearekin batera
Ignacio Sanchez Galan Iberdrolako presidenteak berretsi egin du 2022 honetan 4.000 eta 4.200 milioi euro arteko mozkin-marka garbi berria erdiesteko helburua, Ukrainako gerrak energiaren prezioan eragindako krisi testuingurua gorabehera. Hala, dibidendua areagotuko litzateke bere akziodunentzat, "proportzio berean".
Ostiral honetan Bilbon egindako akziodunen batzar nagusian, duela zenbait hilabete merkatuari iragarritako aurreikuspenekiko konpromisoa berretsi du Galanek, konpainia urte honetan izaten ari den bilakaera ona dela eta (Estatu Batuetako eta Brasilgo negozioan, batik bat).
2021ean, enpresa energetikoak 3.885 euroko mozkin-marka garbia izan zuen, aurrekoa % 8 areagotuta eta ezarritako helburuak gandituta.
Batzarrean egindako mintzaldian, Galanek taldearen dibertsifikazio geografikoaren garrantzia nabarmendu du. Gainera, azpimarratu du taldeak Espainiako energia ekoizpen guztia duela "uneko prezio finkoen aurrekoetan salduta" 2022rako, baita "% 80 baino gehiago 2023rako, eta parte esanguratsu bat datozen urteetarako". Azpimarratu duenez, lehortea eta energia eoliko falta direla eta, ez du energia gehiago erostea beste erremediorik izan, saldu dituenak baino "prezio garestiagoetan" hornitzeko bezeroak.
Era berean, Iberdrolako batzordeak akzioko 0,27 euroko dibidendu osagarriaren ordainketa onartu du 2021eko emaitzekiko. Ordaindutako 0,17 euroekin batera, akziodunentzako guztizko ordainketa tituluko 0,44 eurokoa litzateke, % 5 gehiago.
Gainera, konpainiaren urteroko asanbladak akziodunen babes handia izatearen helburua ere lortu du Galanek, % 72tik gorako quorumarekin. Batzordearen quorum horrek nabarmen gainditzen du iazko % 65,83a. Hala ere, azken sei urteetako parte-hartzerik baxuena suposatzen du, 2021ekoa zenbatu gabe.
Oraingoan, presidenteak ez du batzarrean ohiko diskurtsorik eman, eta zenbait akziodunen galderak erantzutera mugatu da. Dena den, horietako bakar bat ere ez da Galani egozten zaion 'Villarejo kasu' delakoaz aritu.
PNM Resources enpresa estatubatuarrarekiko bat-egite operazioari dagokionez bakarrik jarri dute zalantzan Galan. Mexiko Berriko erregulatzaileak atzera bota zuen joan den urteko amaieran, baina Iberdrolak helegitea aurkeztu du erabaki horren aurrean.
Galan "konbentzituta" agertu da erregulatzailearen erabakiaren aurkako helegitea "positiboa izango dela eta datozen hilabeteetan bukatuta izango dugula operazioa, oso onuragarria baita konpainietako akziodunentzat eta herritarrentzat".
Zure interesekoa izan daiteke
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.