Eusko Jaurlaritzak 25 milioi euro bideratuko ditu lehen sektoreko proiektuetarako
Eusko Jaurlaritzak nekazaritza, abeltzaintza eta basogintzako produktuak eraldatu eta merkaturatzeko inbertsio handiko proiektuak egiteko laguntzen deialdia aurkeztu du astearte honetan.
Horretarako, Handitu programa jarri du abian, Ukrainako gerraren ondorioei aurre egiteko Erreskate Ekonomikoko Funtsaren barruan.
Laguntzek 25 milioi euroren finantzazioa izango dute, eta 6 milioi eurotik gorako inbertsioetara bideratuko dira.
Ekimenak elikagaien edo basoen eraldaketarekin, garapenarekin eta merkaturatzearekin lotuta egongo dira. Proiektu horien bidez, tokiko eta eskualdeko ekonomiak bultzatu eta eraldatu ahal izango dira, eta dibertsifikazioaren aldeko apustua egingo da. Halaber, negozio aukera berriak eta teknologia izaerako azpiegitura handiak sortu ahal izango dira.
Eskabideak aurkezteko epea hilabetekoa izango da, programa Euskal Herriko Agintaritzaren Aldizkarian argitaratu eta hurrengo egunetik hasita. Eskaerak Eusko Jaurlaritzaren webgunean egingo dira.
Zure interesekoa izan daiteke
ELA eta LAB, etxebizitzaren aldeko greba orokorrerako bidean
LAB etxebizitzaren inguruko greba orokorraren alde agertu da, eta beste sindikatuekin batera prestatzen ari dela esan du
Ekonomia % 2,2 haziko da Euskadin aurten eta % 1,9 datorren urtean
Argindarraren prezioa 200 euro/MWh-tik gorakoa izango da asteartean, 2022tik lehen aldiz
CC. OO.k eta UGTk greba orokorra deitu dute udazkenerako
Osakidetzak LEPa egingo du 2027an, estaldura zaileko plazak betetzeko, eta erizaintzakoak ere jasoko ditu
Bilboko metroaren Errekalde eta Matiko arteko linea egiteko lanek sei urte iraungo dute
Milaka lagun kalera atera dira berriro etxebizitza ez dela negozioa aldarrikatzeko
Eusko Jaurlaritzak ia sei milioi euro bideratuko ditu lehen sektorera lehortearen eta kostera txarraren ondorioak konpentsatzeko
