Langabezia-tasa % 8,75ekoa da EAEn eta Nafarroan
Langabezia-tasa % 8,75ekoa da Euskal Autonomia Erkidegoan, eta % 8,76koa, Nafarroako Foru Erkidegoan. Espainiar Estatuko baxuenak dira, beraz. Estatuan % 12,48ra jaitsi da.
EAEren kasuan, 1.100 langabe gutxiago daude aurreko hiruhilekoaren aldean, baina landunen kopurua ere jaitsi da, eta 18.400 gutxiago daude. Nafarroan, 3.700 landun gehiago eta 5.600 langabe gutxiago daude.
EAEn enplegua suntsitu ondoren (% 3,7ko jaitsiera), 934.900 pertsona daude lanean, eta, aurreko urteko aldi beraren aldean, okupatuak 20.700 gehiago dira, % 2,27.
Nafarroan, langabeziaren jaitsiera % 16,56koa izan da bigarren hiruhilekoan, eta, guztira, 28.100 langabe daude. Autonomia erkidegoen hirugarren txikiena da (Kantabria da bigarrena).
Estatu espainiarrean, 383.000 landun gehiago (20.468.000 guztira) eta 255.300 langabe gutxiago daude.
Industriako enpleguaren galeraz ohartarazi dute ELAk eta LABek
Bigarren hiruhilekoan industriako lanpostuak deuseztatu direla ohartarazi dute ELA eta LAB sindikatuek. Gainera, soldatei eta egonkortasunari dagokionez, kalitatezko enpleguak zirela erantsi dute.
"Agertokia ez da hain itxaropentsua", adierazi du ELAk ohar batean; izan ere, lanpostu ugari deuseztatu dira, batez ere industrian. Horrela, Euskadin eta Nafarroan 15.600 enplegu desagertu direla kritikatu du sindikatu abertzaleak.
"Kontratuen iraupenari erreparatzen badiogu, azken hiruhilekoan, nahiz eta lan erreforma indarrean ego, kontratu mugagabea duten pertsonak 7.300 gehiago dira soilik. Horrela, azken hiruhilekoan behin-behinekotasun tasa % 23,8tik % 22,2ra murriztu da", erantsi du ELAk.
Epe luzeko langabezia egiturazkoa bihurtu dela esan du LABek agiri batean. Industrian "okupazioak behera egin" duela gaineratu du, batez ere manufaktura-sektorean, % 19,5eko beherakada batekin.
"Industrian gero eta behargin gutxiago dauden bitartean, merkataritzak gora egin du", baina "prekarietate eta ezegonkortasun handiko sektore bat da, eta haren hazkundeak gainerako sektoreei eragin diezaieke, langileriaren lan eta bizi baldintzak kaskartuz", azpimarratu du.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.