Gipuzkoak errepideko bidesarietan deskontuak egiteko plan bat jarriko du abian urtarrilean
2023ko urtarrilaren 1etik aurrera, Gipuzkoako Aldundiak edukiera handiko ibilgailuen sareko bidesari-errepideen erabiltzaile guztien arteko deskontu plan berria jarriko du abian. Onuradunen artean sartuko dira salgaien garraioa, bidaiarien garraio kolektiboa, jarduera ekonomikoa duten ibilgailu arinak eta ibilgailu arin guztiak, jatorria edozein dela ere.
Aintzane Oiarbide Bide Azpiegituretako diputatuak egin du iragarkia, Alfredo Etxeberria Bidegi foru-sozietateko zuzendariarekin batera egindako prentsa-agerraldian.
Plan berriarekin, garraio publikoak % 63raino murriztuko du bidesariaren zenbatekoa, eta gutxien kutsatzen duten salgaien garraiolariek % 25erainoko deskontuak lortu ahal izango dituzte, motorraren kalifikazioaren arabera. Gainera, autonomoek, lehen aldiz, % 13rainoko deskontua eduki ahalko dute bidesarietan, egindako bidaia kopuruaren arabera.
Maiztasunagatiko deskontu hori salgaien garraioari eta bidaiarien garraioari ere aplikatuko zaie. Ibilgailu arinei dagokienez, guztiek, jatorriagatik bereizketarik egin gabe, Abiatu gailuaren erabiltzaileek gaur egun dituzten deskontuak baliatu ahal izango dituzte.
Salgaien errepideko garraioaren ingurumen-inpaktua murrizteko, ibilgailu eraginkorrenek deskontuak lortu ahal izango dituzte motorraren tipologiaren arabera. Laguntzak honako hauek izango dira: ibilgailu astun elektrikoek, hibridoek eta gas-propultsatuek, DGTren sailkapeneko O eta ECO etiketa duten ibilgailuek, % 25; EURO 6 ibilgailu astunek, % 20; eta EURO 5 etiketa duten ibilgailu astunek, % 15.
Era berean, % 13rainoko deskontuak jasoko dituzte (Europako Batzordeak baimendutako gehieneko ehunekoa) erabilera maiztasunagatik lurraldeko bidesariarekin zergapetutako bide guztietan. 21. bidaiatik 50. bidaiara bitarte, salgaien garraioek % 10eko deskontua izango dute bidesarietan; zifra hori % 13raino igoko da 51. bidaiatik aurrera.
Maiztasunagatiko deskontuak 2023ko urriaren 1etik aurrera hasiko dira aplikatzen.
Gipuzkoako deskontuen plan berrian sartzen dira, halaber, ibilgailua batzuetan jarduera ekonomikorako erabiltzen duten autonomo edo erabiltzaile guztiak. Zuzentarauaren arabera, horiek ere maiztasunagatiko pizgarriak jaso ahal izango dituzte, % 13ko mugarekin.
Gipuzkoako mugikortasun plan berrian, ibilgailu arin guztiak ere sartzen dira, jatorria edozein dela ere, eta Abiatu gailua duten gipuzkoarrek orain arte jasotzen zituzten laguntza berberak jasoko dituzte, 35,25 euroko gastu-muga barne.
Neurri horiek guztiak, maiztasunagatiko deskontuak izan ezik, datorren urteko urtarrilaren 1ean jarriko dira indarrean, eta, haietaz baliatu ahal izateko, ViaT, TAG edo Abiatu sistema bat izan beharko dute. Gainera, alta eman beharko dute Bidegin.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.