Urtarrilean 2.495 langabe gehiago zenbatu dituzte Hego Euskal Herrian
Abenduan baino 2.107 langabe gehiago (% 1,9) zenbatu dituzte Euskal Autonomia Erkidegoan urtarrilean, eta guztira 112.905 langabe daude Lanbide Euskal Enplegu Zerbitzu Publikoan izena emanda.
Hala ere, Euskal Autonomia Erkidegoan iazko urtarrilean baino 3.039 langabe gutxiago daude, Eusko Jaurlaritzako Lan eta Enplegu Sailak gaur zabaldutako datuen arabera.
Espainiako Lan eta Gizarte Segurantza Ministerioak gaur jakinarazi duenez, Nafarroan aurreko hilabetean baino 388 langabe gehiago daude (% 1,23), eta guztira 31.998 pertsona daude lanik gabe, iazko hilabete berean baino 819 (% 2,50) gutxiago.
Nafarroan 400 langabe gehiago zenbatu dituzte urtarrilean, baina datuak neurtzen hasi zirenetik urtarrilean inoiz izan den igoera txikiena da.
Espainiako Estatuan, guztira, 70.744 langabe gehiago daude, abenduan baino % 2,49 gehiago, Gabonetako kanpaina amaitu ondoren. Iazko urtarrilean (17.173 langabe) baino lau aldiz gehiago daude, baina 2021eko (76.216), 2020ko (90.248) eta 2019ko (83.464) datuetatik eta urtarrileko batez besteko historikoaren azpitik (81.424).
Kontratazioa
Kontratazioari dagokionez, 56.072 kontratu berri sinatu dira Euskal Autonomia Erkidegoan, horietatik 15.000 mugagabeak. Urte arteko balantzeari begiratuta, lan erreforma indarrean sartu zenetik kontratazioak egonkortu egin dira eta, beraz, bolumen globala murriztu egin da. Dena dela, 2022ko hilabete berean baino % 73,13 gehiago dira.
Nafarroako datuei dagokienez, urtarrilean 23.597 kontratu berri sinatu dira, abenduan baino % 6 gehiago, baina iazko hilabete berean baino % 20,8 gutxiago. Kontratu mugagabeak 5.743 izan dira (% 24,3), iazko urtarrilean baino % 107,8 gehiago.
Afiliazioa
Gizarte Segurantzan afiliatutako pertsonen kopurua % 0,98 (9.762 afiliatu) jaitsi da abendutik urtarrilera Euskal Autonomia Erkidegoan, Espainiako Lan eta Gizarte Segurantza Ministerioak argitaratutako datuen arabera. Guztira, 984.315 pertsonak kotizatzen dute Gizarte Segurantzan, iazko urtarrilean baino 10.729 gehiago (% 1,1).
Nafarroan, abendutik urtarrilera 2.476 afiliatu (% 0,83) galdu ditu Gizarte Segurantzak. Dena dela, 2022ko urtarriletik 2023ko urtarrilera, afiliatu kopurua % 1,47 igo da (4.306 afiliatu).
Eusko Jaurlaritzaren eta Nafarroako Gobernuaren balorazioa
Idoia Mendia Eusko Jaurlaritzako Lan eta Enplegu Saileko buruak azpimarratu duenez, urtarrilean ohikoa den igoera da. Horren esanetan, datuek erakusten dute enplegua "normalizazio bidean" dagoela eta lan erreforma "oso eragin positiboa" izaten ari dela.
Eusko Legebiltzarraren kanpoaldean egindako adierazpenetan, Idoia Mendiak nabarmendu du Enplegu eta Gizarte Segurantzako afiliazio datuak pandemia aurreko kopuruetara itzuli direla. Gaineratu duenez, horri gehitu behar zaio "kontratu mugagabeak finkatzeak" izan duen eragina, bereziki gazteen eta emakumeen artean.
Carmen Maeztu Nafarroako Gobernuko Eskubide Sozialetako kontseilariak prentsaurrekoan adierazi duenez, "urtarrilean beti egiten du gora langabeziak Nafarroan". Ildo horretan, azpimarratu du 2006tik urtarrilean izandako igoera txikiena dela.
Langabeziak gora eta afiliazioak behera egin dutenez, "balorazioak negatiboa izan behar du", azaldu du. Hala ere, sasoikako enpleguak urte sasoi honetan duen eragina kontuan hartuta eta egungo egoera ekonomikoa aintzat hartuta, Maeztuk esan du "lan merkatua nahiko egonkor" dagoela; izan ere, enplegua 2019koa baino handiagoa da, eta langabezia, ostera, ordukoa baino txikiagoa.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.