Elikagaien prezioak % 15,5 igo dira EAEn eta % 16,1 Nafarroan, otsailean
Bost hilabetez behera egin ostean, urte arteko KPIak berriro ere gora egin zuen urtarrilean eta joera hori berretsi da otsailean. Urte arteko inflazioa % 5,8ra igo da Euskal Autonomia Erkidegoan eta % 6,3ra jaitsi da Nafarroan, otsailean, Espainiako Estatistika Institutuak gaur zabaldutako behin betiko datuen arabera.
Urtarrilean, urte arteko tasa % 5,6koa izan zen Euskadin eta % 6,4koa, Nafarroan. Hortaz, urte arteko tasari dagokionez, bi hamarren igo da EAEn eta hamarren bat jaitsi, Nafarroan.
Azken hilabetean, ostera, urtarriletik otsailera, prezioak puntu bat garestitu dira Euskadin eta zortzi hamarren, Nafarroan.
Inflazioaren igoera elikagaien garestitzeak eragin du, batez ere, izan ere, elikagaien prezioak % 15,5 igo dira EAEn eta % 16,1 Nafarroan, otsailean, urte arteko tasan.
Urtarriletik otsailera elikagaien prezioak % 1,5 eta % 1 garestitu dira EAEn eta Nafarroan, hurrenez hurren.
Urte arteko KPIa % 6ra igo da otsailean eta elikagaien prezioak % 16,6 garestitu dira Espainiako Estatuan
Kontsumoko Prezioen Indizearen urte arteko tasa % 6raino igo da otsailean, iazko hilabete bereko datuekin alderatuta. Urtarrilean urte arteko tasa % 5,9koa izan zen eta, beraz, hamarren bat egin du gora. Azken hilabetean, KPI orokorra % 0,9 hazi da Espainiako Estatuan.
Elektrizitatearen eta elikagaien garestitzeak eragin du, batez ere, prezioen igoera. Espainiako Estatuan, elikagaien prezioak % 16,6 igo dira urte arteko tasan.
Azpiko inflazioa, energia eta elikagai freskoak kontuan hartzen ez dituena, % 7,6raino igo da otsailean, aurreko urteko hilabete bereko datuekin alderatuta. 1986tik izan den altuena da.
Espainiako
2022ko otsailetik aurtengo otsailera gehien garestitu diren elikagaiak hauek dira: azukrea (% 52,6); gurina (% 39,1); saltsak eta ongarriak (% 33,8); oliba olioa (% 33,5); esne osoa (% 33,2); olioak eta koipeak (% 32,9), arrautzak (% 28); lekaleak eta barazkiak (% 23,6); zerealak (% 23,2); esnekiak (% 21,4) eta patatak (% 21,2) daude.
Inflazioak erosahalmen galeran duen eragina nabarmena da, eta Adecco taldeak egindako txosten baten arabera, EAE eta Nafarroa daude erosahalmen gehien galdu duten erkidegoen artean, nahiz eta Estatuko soldata altuenetakoak izan.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.