Credit Suissek % 24 galdu du burtsan, eta izua zabaldu da Europako bankuetan
Credit Suisseren akzioek % 24 egin dute behera gaur Zuricheko Burtsan, eta beherakada horrek Europako bankuen beste balore batzuk beherantz eraman ditu. Saudi Banku Nazionalak, bere akziodun nagusiak, finantza-laguntza gehiago emateari uko egin dio, eta egunaren zenbait momentutan % 30 galtzera ere heldu da.
UBS, Suitzako Credit Suisseren lehiakide nagusia, % 8,53 jaitsi da.
Izan ere, AEBko Silicon Valley Banken (SVB) porrotak eragindako krisiak kalte egin dio bankuari, eta Saudi Arabiako bankuko presidenteak adierazi du ez ziola kapital gehiago sartuko.
Credit Suisseren gainbeheraren ostean, arriskuak ihes egin du, eta, ondorioz, inbertitzaileek errenta aldakorra saihestu dute, eta dolarrean eta finantza tentsioen garaian segurutzat jotzen diren beste aktibo batzuetan babestu dira. Era berean, AEB eta Europa atzeraldi ekonomikoan sartzeko beldurra areagotu da.
Horrela, Espainiako burtsak % 4,37 egin du behera, 2021eko azarotik izan duen beherakadarik handienean, Suitzako bankuaren balizko porrotaren beldurrak eraginda.
IBEXeko bankuek egun latza izan dute. Banco Sabadellek % 10,49 utzi du, BBVAk % 9,6, Santanderrek % 6,89; CaixaBankek % 6,72, Bankinterrek % 6,46 eta Unicajak % 6,06.
Parisko burtsaren indize nagusiak, CAC-40ak, % 3,58ko jaitsierarekin itxi du eguna. Societe Generalek uzkurdura historikoa erregistratu du (% 12,18ko galera), eta haren atzetik daude BNP Paribas (% 10,11), Credit Agricole (% 5,21) eta AXA aseguru etxea (% 5,14).
Alemanian, Frankfurteko selektiboa % 3,27 jaitsi da. Deutsche Bankek % 9,2 eta Commerzbankek % 8,7 egin dute behera.
Arreta Europako Banku Zentralean dago. Bihar esango du interes tasak igoko dituen, orain arte jakinarazi duen bezala, edo erabakiren bat hatuko duen. Gainera, zuzenean ikuskatzen dituen Europako bankuekin harremanetan jartzen hasi da EBZ, Credit Suisserekin duten lotura zein den jakiteko.
Suitzako Banku Nazionalak (BNS) eta Finantza Merkatuen Suitzako Agintaritza Ikuskatzaileak (FINMA), helvetiar herrialdeko banku zentralak eta finantza-erregulatzaileak, hurrenez hurren, likidezia emango diote Credit Suisseri, "beharrezkoa izanez gero", ohar bateratu batean jakinarazi dutenez.
Albiste gehiago ekonomia
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.