Etxebizitza berrien eraikuntza % 19 hazi da EAEn, 2021eko datuekin alderatuta
Etxebizitza berrien produkzioa % 19 hazi da Euskal Autonomia Erkidegoan (EAE) eta % 13 Bizkaian. 2022an, 5.649 etxebizitza berri eraikitzen hasi ziren EAEn eta 2.540 Bizkaian.
Gainera, babestutako etxebizitzen ekoizpenak bultzada berreskuratu du, 2022ko bigarren seihilekotik aurrera gehieneko salmenta-prezioak eguneratuta, hamarkada bat baino gehiago izoztuta egon ondoren, Ascobi Bizkaiko Eraikitzaile eta Sustatzaileen Elkartearen (Ascobi-Bieba) eraikuntza-sektoreari eta higiezinen sustapenari buruzko 2022ko txostenaren arabera.
Hala ere, 2021eko datuekin alderatuta, susperraldi hori ez da iritsi pandemiaren aurreko ekoizpen-kopurura. Konparazioan, hasitako etxebizitzen kopurua 2019koaren aldean oraindik txikiagoa da, % 12 EAEn eta % 32 Bizkaian. "2022ko hobekuntza horrek ez du aldatzen Euskadin azken hamarkadan egitura-moduan mantentzen ari den etxebizitza berrien ekoizpen baxuaren egoera; izan ere, mila biztanleko bi etxebizitza eskaseko ekoizpen-tasarekin, ez du lortzen euskal gizartearen etxebizitza berri, libre eta babestuaren eskaera handiari erantzutea", esan du Ascobik.
Txosteneko datuen arabera, eraikuntzaren sektoreko enplegua % 10 hazi da (5.400 enplegu gehiago) eta guztira 58.900 okupatu daude Euskadi osoan. Bizkaian, enpleguak % 10,5 egin zuen gora, eta 32.700 langile izatera heldu zen.
Iaz lizitatutako obra publikoaren zenbatekoari dagokionez, % 15 igo da EAEn, eta % 37 Bizkaian, 2021ekoaren aldean. "Hala ere, ekoizpen-kostuen igoera handiak lizitazio hutsen kopurua handitzea eragiten du, eta egindako obretako marjinak hondatzen ditu", azpimarratu dute Ascobitik.
Etxebizitzaren salerosketak hazkundeari eutsi dio
Higiezinen merkatuak, bai Bizkaikoak bai Euskadikoak, gora egin du etxebizitzen salerosketako eragiketa guztietan 2022an, eta azken 15 urteetako kopururik handienetara iritsi da, batez ere erabilitako etxebizitzen merkatuaren dinamismoagatik. Bizkaian hazkundea % 14koa izan da eta EAEn % 10ekoa 2021ko datuen aldean.
Etxebizitza berrien salmentak % 16 igo dira Bizkaian. Bizkaiko etxebizitzen batez besteko prezioaren bilakaerari buruzko inkestak erakusten duenez, aurreko urteekin alderatuta, batez besteko prezioek gora egiteko joera etengabea dute, bai etxebizitza berrietan, bai bigarren eskukoetan.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.