Hipotekaren % 20ri aurre egiteko ICOren abalak ematea onartu du Espainiako Gobernuak
Espainiako Gobernuko Ministroen Kontseiluak gaur onartu du hipotekaren % 20ri aurre egiteko ICOren abalak ematea ahalbidetzen duen neurria. Abal-lerroa bera asteburuan iragarri zuen Pedro Sanchez gobernuburuak, baina gaur ezagutu da letra txikia. Etxebizitzaren inguruko beste ekimen batzuk ere onartu dituzte Ministroen Kontseiluan.
Raquel Sanchez Garraio, Mugikortasun eta Hiri Agendako ministroak azaldu duenez, neurria honakoei dago zuzenduta: "Etxebizitza erosteko kaudimena eta asmoa duten arren, bankuek eskatutako sarrerari aurre egiteko aurrezki nahikorik ez duten (35 urtetik beherako) gazteei eta (seme-alaba adingabeak dituzten) familiei".
Hori horrela, Kreditu Ofizialeko Institutuak (ICO) emango du etxebizitza hipotekaren % 20ri aurre egiteko abala. Are gehiago, % 25ekoa izan daiteke etxebizitzak D motako energia kalifikazioa badu.
Abal horiek ez dute kosturik izango zordunentzat. 2025eko abenduaren 31ra arte eskatu ahal izango dira, baina beste bi urtez luzatu daiteke.
Eskatzaileek Iprem adierazlea baino 4,5 aldiz diru-sarrera txikiagoak izan beharko dituzte (4,5 x 8.400 = 37.800 euro urtean). Bikoteen kasuan, zenbateko hori bikoitza izango da.
Adingabeak ardurapean izanez gero, % 0,3 igoko da seme-alaba bakoitza, eta % 70 gehituko zaio diru-sarreren muga guraso bakarreko familietan.
Diru-sarrera muga hori % 0,3 igoko da seme-alaba bakoitzeko. Guraso bakarreko familien kasuan, gehienezko muga % 70ekoa izango da.
Oraingoz ez dute zehaztu ICOren abalak eskatzeko epea noiz zabaldu den.
Halaber, Ministroen Kontseiluak oniritzia eman dio Sepes Lurzoruaren Enpresa Erakunde Publikoaren bitartez Defentsa Ministerioaren lurretan beste 20.000 etxebizitza bultzatzeko planari.
Raquel Sanchezek prentsaurrekoan azaldu duenez, "asmo handiko" eragiketa horren balioa 620 milioi eurokoa da, eta horrekin "Defentsako lurzoru erabilgarri guztia mobilizatu nahi da, etxebizitza parke publikoa osatzeko".
Defentsa Ministerioaren lurrak Andaluzia, Aragoi, Asturias, Kantabria, Kanariak, Katalunia, Gaztela Mantxa, Gaztela eta Leon, Ceuta, Extremadura, Galizia, Errioxa, Madril, Murtzia, Melilla eta Valentziako 36 udalerritan daude. Ondorioz, ez du eraginik izango Hego Euskal Herrian.
Kritika ugari
ICOk finantzatutako etxebizitzarako abal berriek kritikak jaso dituzte EAJren eta EH Bilduren aldetik. Izan ere, bi talde nazionalistek higiezinen burbuila berri bat sustatzen dutela uste dute .
"Interes orokorraren aurkakoa da, jabeei, bankuei eta espekulatzaileei mesede egiten diona", adierazi du Mertxe Aizpurua EH Bilduk Kongresuan duen bozeramaileak. Horrekin batera, euskal taldeak adierazi du Gobernua ez dagoela erosketa-saskiaren prezio garestiak geldiarazteko lanean.
Jeltzaleek, bestalde, "herritarrenganako errespetu falta" gisa ikusten dituzte abal berriak, eta uste dute Gobernua "Etxebizitza Legearekin kontraesanean dauden neurriak hartzen" ari dela. "Orain kreditu bigunak emango dizkiegu inbertsio-funtsei?", galdetu du ironiarekin Aitor Estebanek, EAJk Kongresuan duen bozeramaileak.
Zure interesekoa izan daiteke
Donostiako alkateak eskatu du turismo zerga uda honetarako ezarri ahal izatea
Donostiako alkate jeltzaleak, Jon Insaustik, turismo zerga uda honetan aplikatu ahal izatea galdegin du, eta alderdi politikoei eskatu die foru arauaren proiektuaren zuzenketen tramitea aprobetxa dezatela, hori posible izan dadin.
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.