Seatek VWk Landabenen hartu nahi duenaren antzeko bateria lantegi bat eraikiko du Martorellen
Volkswagen taldeko Seat enpresak bateria-gelaxkak muntatzeko lantegi bat eraikiko du Martorellen (Bartzelona). Proiektu horrek 300 milioi euroko inbertsioa izango du. Volkswagen Nafarroak Landabenen hartu nahi duen lantegiaren antzekoa izanen da.
Wayne Griffiths Seateko presidenteak azaldu duenez, lanak "datozen asteetan" hasiko dira, 2025erako amaituta egongo direlakoan. Lantegi berri honetan 400 behargin inguruk lan egingo dute, zeharkako ehun bat lanpostu gehituz.
Seateko presidenteak nabarmendu duenez, instalazio berriek 64.000 metro karratu hartuko dituzte, hau da, bederatzi futbol-zelairen baliokidea.
Fabrikak Saguntotik datozen bateria-gelaxkak muntatuko ditu, eta 10. tailerrarekin konektatuta egongo da. Tailer hori ere Martorellen egongo da, eta Volkswagen taldeak hainbat ibilgailu elektriko egingo ditu bertan, tartean, Cupra Raval.
Iragan apirilean, Volkswagenek Nafarroako zuzendaritzari eta enpresa batzordeari jakinarazi zion bateriak muntatzeko lantegia Landabenen jartzeko aukera aztertzen jarraituko zuela "testuinguru berrietan oinarrituta".
Hala ere, Nafarroako Volkswageneko zuzendaritzak lantegiko enpresa-batzordeari jakinarazi zionez, "ez zegoen berritasunik" baterien gelaxkak muntatzeko fabrikari dagokionez. Alfredo Morales batzordeko presidenteak gogorarazi zuenez, enpresako zuzendaritzak jakinarazi zuen bateriak egiteko fabrika "proiektu beharrezkoa eta erakargarria" zela Nafarroako Volkswagenentzat, "baina egun finantzaketarik ez zuen proiektua zen".
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.