Eusko Jaurlaritzak deskarbonizazioan eta I+G+Bn sakontzeko beste laguntza-sorta bat onartu du
Eusko Jaurlaritzak 120 milioi euro baino gehiago onartu ditu gaur enpresen garapen ekonomikoari laguntzeko, hiru ikuspegirekin: industria-deskarbonizazioa; I+G+B garatzea; eta arrantza dibertsifikatzea eta modernizatzea akuikultura-proiektuetarako aukera berriekin. Enpresentzako hiru laguntza-programa dira.
Arantxa Tapia Ekonomiaren Garapeneko eta Azpiegituretako sailburuak prentsaurrekoan gogorarazi duenez, 2005etik Euskal Autonomia Erkidegoko industriak % 45 murriztu du berotegi-efektuko gasen emisioa modernizazio-prozesuei esker.
Hala ere, klima-neutraltasuna lortzeko helburuarekin, Jaurlaritzak inbertsio berriak lagunduko ditu 10 milioi euroko programa berri baten bidez.
Xedea industria-enpresei eta industria-produktuarekin eta -prozesuarekin lotutako zerbitzuei laguntzea da, berotegi-efektuko gasen emisioak murriztea ahalbidetzen duten ekoizpen-instalazioetan, instalazio berrietan eta/edo lehendik daudenetan, inbertsioak sustatuz.
Diru-laguntzek gehienez ere 1.500.000 euroko muga izango dute enpresa eta/edo enpresa-talde bakoitzeko.
Gainera, HAZITEK programaren bidez, 94 milioi bideratuko dira enpresetako I+Gko 750 proiekturi laguntzeko. Proiektuotan 600 milioitik gorako inbertsioa egitea espero dute, eta 1.873 enpresa inplikatzen dituzte.
Bestalde, Eusko Jaurlaritzak beste 16,8 milioi euro onartu ditu arrantza iraunkorra sustatzeko eta Euskadiko arrantza- eta akuikultura-sektorean belaunaldien arteko erreleboa errazteko.
Laguntza-ildoak, besteak beste, honako hauetarako: arrantza-baliabideen kudeaketa iraunkorra, itsasoko eta hondartzetako hondakinen bilketa; energia-eraginkortasuna eta klima-aldaketaren arintzea, motorren ordezkapena edo modernizazioa; arrantzale gazteentzako hasierako laguntza eta prestakuntza; arrantzako eta akuikulturako berrikuntza eta ikerketa bultzatzea; eta arrantzako eta akuikulturako produktuak merkaturatzeko, eraldatzeko eta sustatzeko inbertsioak.
Azkenik, Euskadik 5,6 milioi euro bideratuko ditu landa-eremuak sustatzeko eta garatzeko proiektu publikoetara, landa-inguruneko biztanleen bizi-kalitatea hobetzen, herriak berreskuratzen, enplegua sortzen eta Euskadiko landa-eremuetan turismoa bultzatzen laguntzeko.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.