Ertzaintzako sindikatuek eta Segurtasun Sailak "puntu komunak" dituzte, baina jarrerak "oso urrun" daude
Josu Erkoreka lehendakariorde eta Segurtasun sailburua eta ErNE, ESAN eta SiPE Ertzaintzako sindikatuak hiru orduz baino gehiagoz bildu dira gaur, azken hilabeteetan lehertu den barne gatazka bideratzeko helburuz.
Zentral sindikalek EITBri azaldu diotenez, Segurtasun Sailarekin "puntu komunak" ikusi dituzte Ertzaintzaren egungo egoeraren diagnosiaren inguruan, baina jarrerak "oso urrun" daude oraindik lan gatazkari dagokionez.
Edonola ere, bi aldeek hitz egiten jarraitzeko konpromisoa agertu dute, "pentsatzen dugulako merezi duela gatazka hau bideratzea", "gatazkak gizarte osoari" eragiten diolako, ertzainen ordezkarien esanetan. Horren harira, beste hitzordu bat jartzekotan geratu omen dira.
Bileraren ostean egindako prentsaurrekoan, Erkorekak esan du "positiboa" eta "beharrezkoa" izan dela, "oinarrizkoa den zerbait partekartu dugulako; elkarrizketaren bideari berriro heltzeko beharra".
"Gaurtik aurrera, harremanetan jarraituko dugu, negoziazio kolektiboko foroetan bilduz eta Ertzaintzako langileen lan baldintzak hobetzeko akordioak lortzeko helburu partekatuarekin hitz eginez", gaineratu du.
Sailburuak onartu duenez, "lan hitzarmen berri bat negoziatzeari dagokionez, jarrerak urrun daude oraindik, baina, gure aldetik, distantzia horiek murrizten ahaleginduko gara".
Azkenik, azaldu du "ia ordubetez" hitz egin dutela bileraren beste xedeaz, "Ertzaintzako agenteen aurkako erasoez", eta "diagnostikoa eta laster martxan jarriko ditugun ekintza batzuk egiteko beharra partekatu" dituztela.
Azken hilabeteetan, ertzainak kalera atera dira hitzarmen berri bat eskatzeko, eta soldata igotzea eskatu dute, hobekien ordaindutako udaltzainekin parekatzeko.
Ertzaintzan ordezkaritza duten lau sindikatu daude: ErNE, ESAN, SiPE eta Euspel. Azken hilabeteotan, mugimendu asindikal bat izan da mobilizazioen protagonista, 'Ertzainak gatazkan'.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.