Emakume suhiltzaileek "bigarren jardueran" jarraitu ahal izango dute bi urtez, erditu ondoren
Suhiltzaileen euskal legeak emakumeen presentzia bultzatzea du helburu, eta, besteak beste, ama izan ostean bigarren jardueran egoteko eskubidea bermatuko die emakumeei ondorengo bi urteetan. Legea datozen egunetan onartuko dute; izan ere, Legebiltzarrean babes zabala lortu du, EAJk eta PSEk EH Bildurekin hainbat zuzenketa adostu ostean.
Hala, emakumeak behin amatasun bajatik itzultzen direnean, suhiltzaileen ohiko lanaz aparte dauden zereginetan (komunikazioa, mantenua...) aritu ahal izango dira ondorengo bi urteetan.
Hitzarmenak sindikatuen eskaera nagusietako batzuk jaso ditu, eta, gainera, jatorrizko testutik polemika gehien sortu duen aldeetako bat bertan behera geldituko da: Suhiltzaileen LEPan diseinua Arkauteko Akademiaren esku uztea. Itunak puntu hori bertan behera utziko du, eta hiriburuetako udalek eta hiru aldundiek diseinatuko dituzte aurrerantzean probak, sindikatuekin negoziatu ondotik.
EH Bildu pozik agertu da adostutakoarekin, sektoreko profesionalen aldarrikapen nagusiak jasotzen dituela uste baitu. "Uste dugu lege-testua nabarmen hobetu dela, eta hala ulertzen dute, halaber, suhiltzaileen ordezkari sindikalek eta profesionalek", azaldu du Mikel Otero EH Bilduko legebiltzarkideak.
Lege-proiektuaren arabera, Lan Eskaintza Publiko bakoitzean plazen % 25 eta % 40 artean emakumeentzako gordeko dira, emakumeen presentzia bultzatu asmoz; izan ere, 1.346 agentetatik 36 baino ez dira emakumeak gaur gaurkoz.
Era berean, akordioak zerbitzuen funtzioen katalogo zabal bat zehazten du, eta, behin legea onartzen denean, gainera, suhiltzaileak "agintaritzaren agentetzat" hartuko dira, eta eskala eta lerro hierarkiko bakarrean integratuko dira".
Zure interesekoa izan daiteke
Euskadi dago lan-absentismoaren tontorrean, % 9,4ko zifrarekin
Nafarroak, berriz, % 7,4ko absentismoa du eta azken bost urteetako daturik altuenera iritsi da. Bi erkidegoek gainditzen dute Espainiar Estatuko batez bestekoa.
Maderas de Llodioko langileak lanera itzuli dira 284 eguneko grebaren ostean
Enpresa batzordea eta Garnica akordio batera iritsi ziren joan den astean, lanera itzuli nahi izan duten kaleratuek itzultzeko aukera izan zezaten.
Renferen aldiriko trenak Hendaiara iritsiko dira urrian eta Frantziako abiadura handikoak Irunera, urtarrilean
Brinkola-Irun lineako trenak Hendaiara iristea ahalbidetuko duen akordioa sinatu berri dute Espainiako Garraio Ministerioak eta SNCF Frantziako tren konpainiak, Parisen. Era berean, TGV konpainiako tren lasterrak Gipuzkoako udalerrira arte helduko dira datorren urtetik aurrera.
Talgok eta Renfek 132 milioiko akordioa sinatu dute eta Avril trenen kontratu polemikoa itxitzat eman dute
Akordioaren arabera, Talgok 200 milioi euro jasoko ditu hiru hilabeteko epean, eta Renferekin zuen zigorra 2032an hasiko da ordaintzen.
Gizarte Segurantzako afiliatuen kopuruak gora egin du Euskadin eta Nafarroan, baina langabeziak ere gora egin du
Gipuzkoak izan du langabeen kopuruan gehikuntzarik handiena, eta Bizkaia da nagusi kotizatzaile berrien esparruan. Arabak, aldiz, balantze negatiboa du bi adierazleetan.
Gaurtik aurrera eskatu ahal izango dute Euskadiko familiek seme-alabengatiko 200 euroko dirulaguntza
Seme-alabak 4 urte izan arte luzatuko da laguntza hori, eta lehen aldiz tutoretza- eta harrera-familiei zabalduko zaie. Guraso bakarreko familien kasuan, gainera, seme-alabak 4 eta 7 urte izan bitartean, hilero 100 euroko laguntza jaso ahal izango dute.
Aldundiek eskumena izango dute beste lurraldeetako ibilgailu gidaridunen zerbitzua ematen duten enpresak zigortzeko
Euskadiko Garraio Agintaritzak protokolo bat adostu du VTC zerbitzuetan ikuskapenak eta zehapenak koordinatzeko.
Uztailaren 7an sartuko da indarrean Tubacexen lan-erregulazioa, langile-batzordearekin akordiorik lortu gabe
Aldi baterako lan-erregulazioak 430 langileri eragingo die. ELA sindikatuak iragarri du helegitea prestatzen hasiko dela, eta LAB egoera aztertzen ari da bere zerbitzu juridikoekin.
Jainagak eta Tubacexek Tubos Reunidos erosteko interesa erakutsi dute
Bilboko enpresariak eta Laudioko konpainiak erosketa prozesuaren lehen izapidea bete dute; eskaintza bat aurkeztu aurretiko interesa agertu dute.
Greba mugagabea deitu dute Bergarako eta Zarauzko IAT zentroetan uztailaren 13tik aurrera
ELA eta LAB sindikatuek lanuztera deitu dute lan-hitzarmena berritzeko negoziazioaren "blokeoa" dela eta.