Langabezia % 7ra jaitsi da EAEn, 2008tik izan den mailarik baxuenera
Euskal Autonomia Erkidegoko langabezia-tasa % 7ra jaitsi zen 2023ko laugarren hiruhilekoan, Eustatek landutako datuen arabera. Euskadiko ekonomiak 2008tik izan duen daturik baxuena da.
Horrela, 2023. urtearen amaieran, Euskadiko langabezia-tasa % 7koa izan da, aurreko hiruhilekoan baino bost hamarren baxuagoa. Datuen arabera, aurreko hiruhilekoan baino 500 landun gehiago eta 5.800 langabe gutxiago daude.
Urte amaieran, beraz, 73.100 langabe eta 976.400 landun zenbatu dituzte Euskadin.
Aurreko urteko datuekin alderatuz gero, 16.700 langabe gutxiago daude EAEn, eta langabezia-tasa % 8,5etik % 7ra jaitsi da urtebetean.
Biztanleria jardueraren arabera sailkatzeko inkestan jasotako datuen arabera, jarduera-tasa % 56koa izan da 2023ko laugarren hiruhilekoan, aurreko hiruhilekoan baino 0,3 puntu txikiagoa.
Datuak lurraldez lurralde ikusita eta aurreko hiruhilekoarekin alderatuta, Araban, okupazioak gora egin du, 2.000 langile gehiago baitaude. Bizkaian eta Gipuzkoan, berriz, 900 eta 600 landun gutxiago daude, hurrenez hurren. Hiriburuen kasuan, Bilbon 1.600 landun gehiago daude, Gasteizen 400 gehiago, eta Donostian, berriz, 1.500 gutxiago.
Okupazioaren igoerarik handiena emakumeen artean izan da, 900 landun gehiago baitaude; gizonen kasuan, berriz, 300 landun gutxiago zenbatu dituzte. Nazionalitateari erreparatuta, atzerriko nazionalitatea duten landunak 3.000 gehiago dira (% 3,4 gehiago), eta Espainiako nazionalitatea dutenak, berriz, 2.500 gutxiago (% 0,3 gutxiago).
Euskal Autonomia Erkidegoko landunen kopuruak gora egin du industrian (6.100 landun gehiago dira, hots, % 3,1 gehiago), eta behera gainerako sektoreetan: zerbitzuen sektorean 4.000 gutxiago dira (% 0,6 gutxiago), eraikuntzan 1.100 gutxiago (% 1,9 gutxiago), eta lehen sektorean 600 gutxiago (% 7,2 gutxiago).
Kontratazio motari dagokionez, kontratu mugagabeak dituzten langileak 3.800 gehiago izan dira aurreko hiruhilekoaren datuekin alderatuta, eta 25.600 gehiago, aurreko urteko datuekin alderatuz gero.
Orotara, 909.500 etxe inguru daude Euskadin, eta horien heren batean ez dago inor lanean, aurreko hiruhilekoan baino 2.000 gehiago.
Datu horiek ezagutu ondoren Iñigo Urkullu lehendakariak esan duenez, "albiste positiboa" da, eta nabarmendu du Euskadik "azken 15 urteetako langabezia-tasarik txikienarekin" itxi duela urtea. "Lorpen kolektibo horrek elkarlanean aritzeko arrazoi gehiago ematen dizkigu", adierazi du.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.