Hitzarmena berritzeko borroka betean, Bilbobuseko langileek greba eguna dute astelehenean
Negoziazioak ez aurrera ez atzera daudelarik, hitzarmena berritzearen aldeko borrokari eusten diote Bilbobuseko langileek, eta astelehen honetan 24 orduko lanuztea egingo dute.
Hilaren 18ko eta 20ko greben ondoren, astelehenekoa hil honetako hirugarren greba eguna izango da, eta hilaren 27koa izango da 24 orduko azken greba eguna; izan ere, Negoziazioan aurrerapenik egon ezean, greba mugagabeari ekingo diote apirilaren 9an.
Gaur-gaurkoz, astelehen honetan gutxieneko zerbitzuak eskainiko dira, baina maiztasunek eta ordutegiek aldaketak izango dituzte linea guztietan.
Bilboko Udalaren autobus zerbitzuaren emakida duen enpresako langileen hitzarmena 2021ean iraungi zen, eta urte horretatik soldata izoztuta dute. Horrek eragin du langileen protesta.
Duela aste batzuk, Nora Abete Bilboko Udaleko Mugikortasun eta Jasangarritasun zinegotziak adierazi zuenez, "langileek zilegi dute soldata igoera eskatzea, 2021az geroztik soldata izoztuta dutelako", baina oraindik ezin izan dute aurkitu Bilbobuseko gatazka konpontzeko nahikoa "legezko berme eta euskarri juridiko" dituen formularik.
Langileekiko hitzarmen kolektiboaren epemuga 2021era artekoa zela eta ordutik ez dela langileen soldata taula berritu adierazi ondoren Abetek esan zuenez, enpresa "ezarritako baldintzetan ari da zerbitzua betetzen, eta hitzarmenean jasota dagoen soldata oraintzen die langileei".
Bilboko Mugikortasun zinegotziaren hitzetan, enpresaren arabera, ezin du "soldata igoera berririk" bere gain hartu, "kontratuaren desoreka ekonomiko handia eta porrot ekonomikoa ekarriko liokeelako".
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.