KPIa % 3,2 eta % 3,4raino igo da EAEn eta Nafarroan, eta jakiek 2021etik izandako igoera txikiena izan dute
Martxoan, Kontsumorako Prezioen Indizeak (KPI) gora egin du, eta urte arteko tasa % 3,2an gelditu da Euskal Autonomia Erkidegoan (EAE) eta % 3,4an Nafarroan, argindarraren BEZaren igoerak eta erregaien eta pakete turistikoen garestitzeak eraginda.
Espainiako Estatistika Institutuak gaur zabaldutako behin betiko datuen arabera, urte arteko tasak hamarren bat egin du gora EAEn —% 3,1etik % 3,2ra— eta bederatzi hamarren —% 2,5etik % 3,4ra— Nafarroan. Hortaz, urte arteko tasak goranzko bidea hartu du berriro, bost hilabetez murriztu ondoren.
Otsailetik martxora, Kontsumorako Prezioen Indizea (KPI) sei hamarren igo da EAEn, eta puntu bat, Nafarroan.
Urtea hasi zenetik, prezioak % 1,4 garestitu dira EAEn, eta % 0,9 egin dute gora Nafarroan.
Gipuzkoak izan du urte arteko inflaziorik handiena martxoan (% 3,4), Bizkaiaren (% 3,3) eta Arabaren (% 2,6) gainetik. Otsailetik martxora, prezioak % 0,8 garestitu dira Gipuzkoan, % 0,6 Bizkaian eta % 0,5 Araban.
Espainiako Estatukoari dagokionez, urte arteko inflazioa lau hamarren hazi da otsailetik, % 2,8tik % 3,2ra.
Azpiko inflazioa (energia eta elikagai freskoak kontuan hartzen ez dituena) bi hamarren jaitsi da martxoan, % 3,3raino. Hortaz, KPI orokorra baino hamarren bat handiagoa da, eta 2022ko otsailetik izandako txikiena.
Elikagaien prezioen igoera nabarmen apaldu da. Elikagaiak eta edariak % 4,6 garestitu dira batez beste urtebetean EAEn, eta % 4,5, Nafarroan. Otsailetik martxora, prezioak mantendu egin dira EAEn, baina Nafarroan hiru hamarren merkatu dira.
Espainiako Estatuan, elikagaiak batez beste % 4,3 garestitu dira urtebetean —otsailean baino puntu bat gutxiago—, eta 2021eko azarotik izan den igoerarik txikiena izan dute.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".