Elikadura katea ikuskatzeko, kontrolatzeko eta isunak ezartzeko mekanismoak arautu ditu Jaurlaritzak
Euskal Autonomia Erkidegoko elikadura katearen funtzionamendua hobetzea helburu duen dekretua onartu du gaur Eusko Jaurlaritzako Gobernu Kontseiluak.
Ekonomiaren Garapen, Jasangarritasun eta Ingurumen Sailak ohar bidez jakinarazi duenez, dekretuak isunak ez ezik, elikadura katea ikuskatzeko eta kontrolatzeko mekanismoak ezartzen ditu. Horiek EAEko elikadura kate osoari eragingo diote, lehen sektoreko ekoizpenetatik hasi eta salmenta puntuetaraino, eta kasu bakoitzean indarrean dagoen legedian ezarritakoa aplikatuko da. Isunak 200 eta milioi bat euro artekoak izango dira.
Gobernu bileraren osteko prentsaurrekoan Arantxa Tapia Ekonomiaren Garapen, Jasangarritasun eta Ingurumeneko sailburuak azaldu duenez, ekoizpen prezioaren azpitik ordaintzen den kasuetan ezarriko dira zigorrak, "erregularizatu gabeko" kontratuak edo "gehiegizkoak" antzematen direnean edo berankortasun kasuetan.
Jaurlaritzaren arabera, onartutako dekretuaren helburua da elikadura katea "orekatzea", lehen sektorearen zati handi batek dituen zailtasunak arintzeko "neurri gehigarriak onartuz", eta, ahal den neurrian, elikadura kateko operadoreen arteko "merkataritza harreman gardenak" ziurtatuz.
Halaber, Eusko Jaurlaritzak beharrezko ikusten du Elikadura Katearen Legea garatzeko zenbait tresna egoki hornitzea eta arautzea. Ildo horretan, Euskadiko Elikagai Kontratazioaren Merkataritza Jardunbide Egokien Kodea eta Euskadiko Elikadura Katearen Behatokia sortu ditu.
Euskadiko Elikagaien Kontratazioko Merkataritza Jardunbide Egokien Kodeak hainbat helburu ditu, besteak beste, elikadura katearen eta, bereziki, lehen sektorearen iraunkortasun sozial, ekonomiko eta ingurumenekoaren alde egitea; kalitatezko nekazaritzako elikagaien balioa nabarmentzea, eta legeari egokitutako elikagai kontratuak sustatzea.
Bestalde, Euskadiko Elikadura Katearen Behatokiak, elikadura katearen eta elikagaien kostuen jarraipena, aholkularitza, informazioa eta azterketa egiteko organoa den aldetik, bere eginkizunen artean izango du jarraipena eta ebaluazioa egitea.
Zure interesekoa izan daiteke
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Hasi egin da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.