Normaltasuna itzuli da Gipuzkoara, mugako blokeoa amaitu eta errepideetan kolapso historikoa izan ostean
Astearte honetan gertatutakoa historikoa izan da Gipuzkoako errepideetan. Lehen sektoreko profesionalek traktoreekin egindako blokeoa bukatu ondoren, Gipuzkoako ipar ekialdeko errepide nagusiak kolapsatuta egon dira goizeko 10:00etatik, hau da, kamioiei pasoa ematearekin bat. A-15, AP-1 eta AP-8 errepideetan aurrekaririk gabeko ilarak sortu dira; 40 kilometroko auto ilarak zenbatu dituzte une zailenetan. Arratsaldeak aurrera egin ahala, egoera arintzen joan da eta 21:45 aldera, gutxi gorabehera, errepideak normaltasunera itzuli dira.
Egoera goizean goizetik konplikatu da. Hego eta Ipar Euskal Herriko ehunka nekazari eta abeltzain 10:00etan hasi dira AP-8an, Biriatun, traktoreekin mugaz bi aldetako zirkulazioa desblokeatzen 24 ordu eta gero.
Protesta amaieran, baina, Ipar Euskal Herritik joandako traktoreak Hendaiako irteeratik atera dira autobidetik, baina ordainlekua Biriatun izanik, Frantziako agintariek ez diete baimenik eman Hego Euskal Herrikoei Biriatutik ateratzeko, ezta erdiko hesia zabaldu eta kontrako norabidean Donostiarantz joateko ere.
Hori dela eta, traktoreek atzeraka egin behar izan dute eta muga libre utzi dutenerako ordu erdi pasa da. Bien bitartean, muga zabaltzeko zain zeuden kamioiak Biriatura iristen hasi dira, baina ezin izan dute aurrera egin eta auto ilarak luzatzen hasi dira.
Une horretatik aurrera kaosa nagusitu da Gipuzkoako errepideetan, eta orduak behar izan dira egoera bere onera itzultzeko.
Nekazariek protesta gehiago urrian
Astelehenean goizeko 10:00etan hasi ziren blokeoarekin nekazariak, sektoreko erregai eta energia zergak murrizteko eta Europako Batasunetik kanpoko elikagaiei mugak jartzeko eskatu dute. Gobernuei urrira arteko epea eman diete aldarri horiek betetzeko, baina betetzen ez badira "24 orduz baino gehiago ixteko prest" daudela ohartarazi dute.
Protestak hainbat nekazari elkartek deitu dituzte eta horiei Arabako, Gipuzkoako eta Nafarroako nekazarien elkarteak gehitu zaizkie; zehazki, Ataca, Bagea, Again eta Semilla eta Belarra.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.