Anbulantzien hitzarmena sinatu dute, indarrean dagoen bitartean % 30eko soldata-igoera jasotzen duena
ELA, CCOO eta UGT sindikatuek osasun garraioaren hitzarmena sinatu dute gaur. Akordioaren puntu nagusia itunaren indarraldian metatutako % 30,64ko soldata-igoera da. Igoera horrek Osakidetzako anbulantzietako langileekin parekatzea "errazten" du, horixe baitzen sektorean egindako greba-egunen aldarrikapen nagusia.
Hitzarmenaren aurreakordioa apirilean itxi zuten, baina ordutik ez da sinatu, ezta aplikatu ere. Bizkaiko eta Arabako enpresa emakidadunak, La Pau kataluniarrak, joan den astean ohartarazi zuen ez zuela berretsiko harik eta UGTk zerbitzuaren esleipen berriari buruzko helegitea kendu arte.
Ohar batean, CCOOk nabarmendu du "azken fase honen ostean soilik, mobilizazioen eta greba luze baten ondoren", izan dela posible lan-gatazka gaur amaitzea, "behin betiko hitzarmena sinatuta".
CCOOk erantsi duenez, hitzarmena behin betiko testua ixteko bi batzar "oso luzeren" ondoren sinatu da, nahiz eta "La Pauk oztopoak jarri".
"Grup La Pau sinadura oztopatzen saiatu da eskura zituen baliabide guztiekin, aurreakordioa ez dute bete, hitzarmena sinatzeari uko egin dio, Bizkaiko eta Arabako beharginei ez die soldata igoera aplikatu, eta euren kudeaketa eskasa kutxa publikoaren kontura ordaindu nahi izan dute", kritikatu du sindikatuak.
ELAk ohar batean azaldu duenez, "2022-2028 indarraldia duen eta 1.500 langileri eragiten dien akordio honetan lortutako urrats handienetako bat hitzarmena ez aplikatzeko klausula da, enpresa esleipendunek prozesua aldebakarrez kudeatu ezin izateko berme gisa balio duena".
ELAk nabarmendu du hitzarmenak 124 orduko lanaldi murrizketa aurreikusten duela, homologatu arte (1.588 ordu), baita hitzarmena ez aplikatzeko klausula, borondatezko eszedentzietan lanpostua baldintza berberetan gordetzea, eta antzinatasun-plusa hobetzea ere.
Honako hauek ere jasotzen dira akordioan: txanda-kontratua aplikatzeko bermea, familien legea hobetzea, zaintzagatiko edo eszedentziagatiko lanaldi-murrizketetarako seme-alabaren adina handitzea (16 urtera arte), lanpostu hutsak arautzea eta barne-sustapena, eta enpresaren barruko nahitaezko prestakuntza arautzea.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestituko dira litroko bihartik aurrera, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.