Langabezia % 7,5era jaitsi da EAEn bigarren hiruhilekoan eta 80.100 langabe daude, 4.500 gutxiago
Euskal Autonomia Erkidegoko (EAE) langabezia tasa % 7,5era jaitsi da aurtengo bigarren hiruhilekoan, hau da, 2024ko lehen hiru hilabeteetan baino lau hamarren gutxiago.
Eustat Euskal Estatistika Erakundeak egindako inkestaren bigarren hiruhilekoko datuak argitaratu ditu ostegun honetan.
2023ko bigarren hiruhilekoarekin alderatuz gero, langabezia-tasak soilik hamarren bat egin du behera, % 7,6tik % 7,5era.
992.600 pertsona, lanean
Okupazioari dagokionez, apirila eta ekaina bitartean 992.600 pertsona zeuden lanean, iazko hiruhileko berean baino % 2 gehiago. Horrela, 11.700 pertsona gehiago ari dira lanean, 2008ko hirugarren hiruhilekoko langa gaindituta.
Biztanleria landunaren eta langabearen bilakaeraren ondorioz, jarduera-tasa % 56,6koa da 2024ko bigarren hiruhilekoan, aurreko hiruhilekoan baino bi hamarren gehiago.
Lurraldeka, aurreko hiruhilekoarekin alderatuta, Bizkaian 6.400 pertsona gehiago daude lanean, Gipuzkoan 4.200 gehiago eta Araban 1.200 gehiago. Hiriburuei dagokienez, Donostian okupazioa 2.400 pertsonatan igo da, Gasteizen 1.800ean eta Bilbon 1.600ean.
Okupazioaren hazkunderik handiena emakumeen artean izan da (+8.300), eta gizonen artean, berriz, 3.400 gehiago.
Zerbitzu, eraikuntza eta lehen sektorearen bultzada
Lanean ari diren pertsonen kopuruak gora egin du zerbitzuetan: 10.100 pertsona gehiago (+% 1,4), 1.000 gehiago lehen sektorean (% 11,8) eta 900 gehiago eraikuntzan (+% 1,7). Industrian, ordea, 300 gutxiago (-%0,2) dira.
Kontratazio motari dagokionez, kontratu mugagabeak dituzten pertsonak aurreko hiruhilekoaren aldean 10.900 gehiago dira eta, aurreko urtearen aldean, 31.500 gehiago.
28.300 etxetan, pertsona aktibo guztiak langabezian
2024ko bigarren hiruhilekoan 922.100 etxetatik heren batek ez du pertsona aktiborik, aurreko hiruhilekoan baino 2.100 etxe gutxiago. Hamar etxetik ia seitan pertsona aktibo guztiak lanean ari dira, 5.400 familia gehiago. Gainera, pertsona aktibo guztiak langabezian dituzten familiak 28.300 dira, aurreko hiruhilekoan baino 1.000 gutxiago.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.